Apta ishinde respýblıka boıynsha 1851 qylmys jasaldy
ASTANA. Qarashanyń 30-y. QazAqparat /Jasulan Amanbaıuly/ - Qarashanyń 22-si men 30-y aralyǵynda el aýmaǵynda 1851 qylmys tirkeldi. Bul týraly búgin jýrnalısterge brıfıng barysynda ІІM Til saıasaty jáne aqparat departamentiniń bastyǵy Qýanyshbek Jumanov aıtty,
dep habarlaıdy QazAqparat.
Onyń ishinde 1403-i qylmystyń izi sýymaı ashylǵan. Qylmysqa qatysy bar degen sezikpen 156 kúdikti ustaldy, 6 atys qarýy tárkilendi.
Al esirtki qylmysyna qarsy kúres jelisi boıynsha 137 qylmys tirkelgen. Sonyń ishinde esirtki satý faktisi boıynsha 45 oqıǵa anyqtaldy. Qarashanyń 25-i kúni Pavlodarda Pavlov kóshesinde qala turǵyny basqarǵan Gazel avtokóligi ustalyp, onyń ishinen 50 gramm geroın tabyldy. Úıin tintý barysynda taǵy 1 keli jáne 314 gramm atalmysh esirtki zaty alyndy.
