Apta ishinde el aýmaǵynda 5 133 qylmys jasaldy
ASTANA. 16 qańtar. QazAqparat - Apta ishinde 5 133 qylmys jasaldy, izi sýymaı ashylǵany - 2600. Bul týraly búgin ótken brıfıng barysynda QR Іshki ister mınıstrliginiń resmı ókili Nurdildá Oraz málim etti.
Sonymen qatar resmı ókildiń aıtýynsha, buryn jasalǵan 658 qylmys ashyldy, onyń ishinde ótken jyldar sanatyndaǵy 444 qylmys áshkerelendi. 85 qylmysker izdestirilip tabyldy, 6 dana qarý alyndy. 54 esirtki qylmysy anyqtaldy, onyń ishinde 22 faktisi esirtkini satý boıynsha. Jalpy salmaǵy 14 keliden astam esirtki zaty tárkilendi.
