Antıterror operatsııasy: Tarazda ákimdik ǵımaratyn órtegender ustaldy

TARAZ. QazAqparat – Jambyl oblysynyń ortalyǵynda antıterrorlyq operatsııa jalǵasyp jatyr, dep habarlaıdy QazAqparat tilshisi.

Jedel shtabtyń málimetinshe, ótken kúni oblys ákimdigin órteýge jáne ǵımaratty talqandaýǵa qatysqan kúdiktiler ustaldy. Olardan eki Kalashnıkov avtomaty tárkilengen.

Jalpy oblys boıynsha jappaı tártipsizdikke qatysqan 153 adam ustalyp, 10 qarýly qylmyskerdiń kózi joıylǵan.

Jambyl oblysy jedel shtabynyń buǵan deıingi málimetinshe, 69 arandatýshy ustaldy, birqatar lańkestik aktiniń aldy alynǵan, 6 qarýly qylmysker óltirildi. Oqıǵa barysynda sondaı-aq, quqyq qorǵaý organdarynyń bes qyzmetkeri jaraqat alǵan, 100-den astam qyzmettik kólik búlindi. Oblys ortalyǵynda 11 blok post qoıyldy.