Antıkor Marat Beketaevtyń ustalǵanyn rastady
Sybaılas jemqorlyqqa qarsy is-qımyl agenttigi burynǵy Ádilet mınıstri Marat Beketaevtyń ustalǵanyn rastady, dep habarlaıdy Kazinform.
«Ustalǵan adamnyń burynǵy Ádilet mınıstri M. Beketaev ekenin rastaımyz. Ony qamaýǵa alýǵa sot sanktsııa berdi», - dedi Sybaılas jemqorlyqqa qarsy is-qımyl agenttiginiń resmı ókili Arman Tileýkenov.
Onyń aıtýynsha, qazirgi ýaqytta kúdikti sottyń sanktsııasymen qamaýǵa alyndy. Tergeý múddesi úshin basqa aqparat jarııa etilmeıdi.
Eske sala keteıik, 21 qazan kúni Antıkor burynǵy Ádilet mınıstriniń laýazymdyq ókilettigin asyra paıdalandy degen kúdikpen ustalǵanyn habarlaǵan edi.
Ol talap etilmeıtin qyzmetterdi kórsetýge jyl saıynǵy kelisimsharttar jasaý arqyly úlestes kompanııanyń múddelerin qoldady. Bul áreket memleketke úlken zııan keltirgen. Qazir aktıvterdi qaıtarý boıynsha jumys jalǵasyp jatyr.
