«Ańsaǵan cábı» baǵdarlamasy: SQO-da bıylǵy alǵashqy úshem dúnıege keldi

PETROPAVL. KAZINFORM – Soltústik Qazaqstan oblysynda Elızaveta, Evelına jáne Margarıta atty úshem dúnıege keldi. Nárestelerdiń de, analarynyń da jaǵdaıy jaqsy, birer kúnde úıge jiberiledi.

Petropavl turǵyny Ilıashenko otbasy náresteli bolýdy 7 jyl kútken eken. Nátıjesinde bıyl «Ańsaǵan sábı» baǵdarlamasy aıasynda ómirge úshem keldi.

«Úshem bolatynyn estigende sasqalaqtap qalǵanym ras, men egiz, ári qyzdar bolsa eken dep tilegenmin. Shúkir, Elızaveta 2,145 kg salmaqpen týdy, boıy 47 sm, ishindegi eń kishkentaı – Evelına – salmaǵy 1,976 kg, boıy 40 sm boldy, Margarıta – 2,123 kg salmaqpen dúnıege keldi jáne boıy 43 sm. Úlken ulym bar, 7 jasta. EKO arqyly bosanyp otyrmyn. Kesar tiligi arqyly dárigerler aman-esen bosandyryp aldy», - deıdi ıÝlııa Ilıashenko.

Qazir ananyń da, qyzdardyń da jaǵdaıy jaqsy.

«Úshemniń densaýlyǵy jaqsy, tek salmaqtary az. Jalpy qyzdar uldarǵa qaraǵanda belsendi, anasyn emip, salmaq qosyp jatyr. Jaqynda úılerine jiberemiz. 35-shi aptaǵa bosandyramyz dep josparlaǵan edik. Belgilengen kúni esh qıyndyqsyz bosandyryp aldyq. Qazir áıeldiń jaǵdaıy qalypqa kelip jatyr», - deıdi oblystyq perınataldyq ortalyqtyń bosanýdan keıingi bólim meńgerýshisi Sáýle Mustafına.

Mamannyń aıtýynsha, bıylǵy 8 aıda oblysta 2523 náreste ómirge keldi. Sonyń ishinde 32 egiz bar. Al úshem bıyldyqqa alǵash ret týyp otyr. Byltyr úsh úshem jáne 62 egiz, jalpy barlyǵy 4204 náreste dúnıege keldi.

«Salmaǵy 4 kg asatyn náresteler iri dep sanalady, bıyl osyndaı 457 bala týdy. Onyń ishindegi eń úlkeniniń salmaǵy - 5,630 kg. Er bala. Sońǵy ýaqytta osyndaı alyp bala kóptep týatyn bolǵan», - deıdi Sáýle Mustafına.

Buǵan deıin, elimizde balalar men áıelderdiń jaǵdaıyn baǵalaý úshin zertteý júrgizilip jatqanyn jazǵan edik.