Anna Danılına jańa jyldaǵy alǵashqy jarysynda fınalǵa shyqty
Qazaqstannyń juptyq syndaǵy birinshi, álemniń 54 raketkasy Anna Danılına Oklend (Jańa Zelandııa) WTA 250 týrnıriniń fınalyna shyqty, dep habarlaıdy Kazinform.
Jarystyń ekinshi raketkalary bolyp tirkelgen A.Danılına slovakııalyq Vıktorııa Grýnchakovamen birge jartylaı fınalda frantsııalyq Djessıka Ponshe – chehııalyq Anna Shıshkovaǵa qarsy keldi.
Birinshi partııada qazaqstandyq-slovakııalyq jup taı-breıkte sátti oınady – 7:6 (7:2). Ekinshi sette frantsııalyq-chehııalyq dýet qarymta qaıyrdy – 6:4. Esesine sýper taı-breıkte A.Danılına – V.Grýnchakova myqtylyqtaryn moıyndatty – 10:7.
Eki saǵatqa jýyq ýaqytqa sozylǵan tartysty báseke barysynda Anna men Vıktorııa 7 breık-poınttyń ekeýin paıdalandy. D.Ponshe – A.Shıshkova 3 eıs, 4 breıkpen (9 breık-poınt) kózge tústi.
Anna Danılına – Vıktorııa Grýnchakovanyń fınaldaǵy qarsylastary keıin anyqtalady.
Eske sala keteıik, budan buryn Elena Rybakınanyń Brısben týrnıriniń jartylaı fınalyna shyqqanyn jazǵan bolatynbyz. Sondaı-aq Jibek Qulambaeva Taılandtaǵy jarystyń fınalyna joldama aldy.
