Anna Danılına Hobart týrnıriniń fınalyna shyǵa almady

Qazaqstannyń juptyq syndaǵy birinshi raketkasy Anna Danılına Hobart (Aýstralııa) WTA 250 týrnıriniń fınalyna shyǵa almady, dep habarlaıdy Kazinform. 

Qazaqstandyq tennısshi ýkraınalyq Nadejda Kıchenokpen birge qytaılyqtar Hanıý Gýo – Sınıý ıAn jubyna qarsy fınaldyq kezeńniń joldamasyn sarapqa saldy. 

Birinshi partııada qytaılyq dýet 4:2 esebimen alǵa shyqqanymen, Anna men Nadejda tarazy basyn teńestire aldy. Biraq Gýo – ıAn qaıta breık jasady – 7:5. 

Ekinshi sette esep 2:2 bolǵan kezde match keıinge qaldyrylǵan bolatyn. Búgin tańmen jalǵasqan básekede qytaılyq jup jeńiske jetti – 6:3. 

Bir saǵattan astam ýaqytqa sozylǵan kezdesýde A.Danılına – N.Kıchenok 1 eıs jasap, 5 breık-poınttyń ekeýin paıdalandy. Qarsylas dýet 6 breık-poınttyń tórteýin qur jibermedi. 

Danılına juptyq synda endi Aýstralııa ashyq chempıonatynda óner kórsetedi.

Eske sala keteıik, budan buryn Aleksandr Býblıktiń Adelaıde týrnıriniń jartylaı fınalyna shyqqanyn jazǵan bolatynbyz.

Elena Rybakına Adelaıde týrnırinde jeńilip qaldy.