Anna Danılına Frantsııadaǵy jarystyń fınalynda utylyp qaldy

Qazaqstannyń juptyq syndaǵy birinshi, álemniń 56-raketkasy Anna Danılına Anjer (Frantsııa) chellendjer týrnıriniń fınalynda jeńilip qaldy, dep habarlaıdy Kazinform.

Qazaqstandyq tennısshi reseılik Aleksandra Panovamen birge sheshýshi básekede jarystyń 1-raketkalary, ıspanııalyq Krıstına Býcha - rýmynııalyq Monıka Nıkýleskýmen bas júldeni sarapqa saldy.

Match ıspanııalyq-rýmynııalyq dýettiń basymdylyǵymen ótti - 6:1, 6:3. Bir saǵattan astam ýaqytqa sozylǵan oıynda olar 6 breık-poınttyń tórteýin paıdalana bildi. Qazaqstandyq-reseılik jup 1 eıspen ǵana shekteldi.

Eske sala keteıik, budan buryn tennısshi Dmıtrıı Popkonyń Túrkııadaǵy týrnırdiń fınalyna shyqqanyn jazǵan bolatynbyz.