Ámirjan Qosanov stýdentterdiń esirtki paıdalanatyndyǵyn tekserýdi usyndy

ASTANA. KAZINFORM – Qoǵam qaıratker Ámirjan Qosanov joǵary oqý oryndary stýdentteriniń esirtki paıdalanatyndyǵyn ne paıdalanbaıtyndyǵyna test ótkizýdi usyndy. Ol mundaı usynysyn Májilistiń janyndaǵy Qoǵamdyq palata otyrysynda jasady.

«Maman emespin, biraq eldiń jaǵdaıyn, ásirese esirtkige baılanysty tragedııalyq oqıǵalardy bilip otyrmyz. Meniń 2-3 suraǵym bar. Menińshe, esirtki — tek Qazaqstannyń ǵana emes, halyqaralyq problema. Zańnamada, praktıkada halyqaralyq standarttar bar. BUU-nyń esirtkige qatysty tıisti basqarmasy bar. Bizdiń joba sol uıymnyń saraptamasynan ótti me? Ekinshiden, radıkaldy qadamdar kerek sııaqty. ıAǵnı munda terapııa jetkiliksiz. Esirtki eń aldymen jastarymyzǵa keledi: mektep, ınstıtýt, ýnıversıtet. Mynadaı usynysqa qalaı qaraısyzdar. Qazir Qazaqstandaǵy esirtkini paıdalaný jaǵdaıy shynymen qandaı ekenin bilý úshin múmkin erkinen tys bolsa da, barlyq JOO-daǵy stýdentterdi esirtki paıdalana ma, paıdalanbaı ma degen testten ótkizsek. Sonda biz Qazaqstandaǵy esirtkiniń naqty jaǵdaıyn biler edik», — dedi Ámirjan Qosanov esirtkige qarsy is-qımyl máselelerine qatysty zań jobasyn talqylaý barysynda.

Osy oraıda otyrysqa qatysqan Іshki ister mınıstriniń birinshi orynbasary Marat Qojaev mundaı usynysty qoldaıtyndyǵyn bildirdi.

«Ol da durys shyǵar. Mysaly, biz óz salamyzda ótken jyldan bastap, qyzmetkerlerdiń bárin narkoskrınıngten ótkizip jatyrmyz. Bir saladan basqa salaǵa aýysqanda, bir qyzmetten ekinshi qyzmetke, laýazymy joǵarylaǵanda qyzmetkerlerimiz mindetti túrde narkoskrınıngten ótedi. Shyndyqqa kelsek, arasynda kezdesedi de, tabylyp jatady. Usynys jaqsy. Ony biz, ІІM qoldar edik. Stýdentter men mektep oqýshylaryn narkoskrınıngten ótkizý úshin qanshama qarajat ta kerek», — dedi ol.