Ámir Muratbekov Paralımpıadanyń fınalyna shyqty

ASTANA. KAZINFORM – Qazaqstandyq júzgish Ámir Muratbekov Paralımpıadanyń fınalyna shyqty, dep habarlaıdy QR Týrızm jáne sport mınıstrliginiń baspasóz qyzmeti.

100 metrge brass ádisimen júzýde SB11 sanatynda synǵa túsken Ámir Muratbekov irikteý kezeńinde sátti óner kórsetip, 1:21.66 ýaqyt nátıjesimen fınalǵa joldama aldy.

Fınal Astana ýaqytymen 21:01-de ótedi.

Foto: QR Týrızm jáne sport mınıstrligi

Aıta keteıik, Qazaqstan quramasynyń sportshylary Parıj Paralımpıadasyna sporttyń 9 túrinen 33 lıtsenzııa jeńip aldy.

Dúbirli doda 28 tamyz ben 8 qyrkúıek aralyǵynda ótedi.

Osyǵan deıin Davıd Degtıarevtiń eki dúrkin Paralımpıada chempıony atanǵanyn jazdyq.

Chempıondy jeńisimen Qazaqstan Prezıdenti Qasym-Jomart Toqaev quttyqtady.