Amazon tehnologııalary e-Gov qyzmetinde paıdalanylady
Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın Memleket basshysynyń Amazon korporatsııasynyń vıtse-prezıdenti Sıýzan Poıntermen ótkizgen kezdesýiniń nátıjesi jóninde pikir bildirdi, dep habarlaıdy QazAqparat tilshisi.
«Búgin Prezıdentimiz Amazon korporatsııasynyń basshylyǵymen kezdesti. Kezdesýde ulttyq tehnologııalardyń, ІT-salasynyń tsıfrlandyrýdy damytýǵa qalaı áser etetini talqylandy. Naqty aıtsaq, Amazon veb-servısiniń Outpost deıtin sheshiminiń Qazaqstannyń eGov.kz portalynyń servısterinde bultty tehnologııa arqyly qoldanylýy talqylandy jáne kelisimshartqa qol qoıyldy. ıAǵnı, búginnen bastap, Amazon veb-servısiniń tehnologııalary e-Government-tiń birneshe qyzmetinde paıdalanyla bastaıdy», - dedi Baǵdat Mýsın.
Aıta keteıik, Qasym-Jomart Toqaevtyń Amazon korporatsııasynyń vıtse-prezıdenti Sıýzan Poıntermen kezdesýi aıasynda Qazaqstannyń Tsıfrlyq damý jáne aeroǵarysh ónerkásibi mınıstrligi («UAT» AQ) men Amazon Web Services arasynda Outpost «bultty» tehnologııa sheshimin satyp alý jáne ony QazTech platformasymen ıntegratsııalaý jónindegi pılottyq jobany iske qosý týraly kelisimge qol qoıyldy.
