Amazon qyzmetkerleri sanyn qysqartady

ASTANA. KAZINFORM — Amazon bas dırektory Endı Djessı kompanııanyń jumys protsesterine jasandy ıntellekt tehnologııasyn engizgendikten, aldaǵy birneshe jylda qyzmetkerlerin qysqartatynyn málimdedi.

—Biz generatıvti AI tehnologııalaryn engizgen saıyn, ol jumys isteý tásilin ózgertedi. Keıbir operatsııalar úshin belgili bir tapsyrmalardy oryndaý úshin bizge azyraq adam qajet bolady. Sonymen birge, basqa jumys túrleri úshin bizge kóbirek adam qajet bolady. Qazir bul júıelerdiń qaı jerde júzege asyrylatynyn aıtý qıyn, biraq aldaǵy birneshe jylda bul jalpy qyzmetkerler sanynyń qysqarýyna ákeledi, - dedi Amazon bas dırektory qyzmetkerlerge joldaǵan ishki hatynda.

Amazon-nyń jasandy ıntellektini damytýǵa salǵan ınvestıtsııasy shamamen 105 mıllıard dollardy quraıdy. Qazirgi ýaqytta Amazon-da jumys isteıtin qyzmetkerlerdiń jalpy sany búkil álem boıynsha 1,6 mıllıon adamǵa jetedi.

Eske sala keteıik, Microsoft 2000-ǵa jýyq jumys ornyn qysqartatyny jaıly jazǵan edik.