Amal merekesi: Astanada aýqymdy mádenı is-shara ótedi
ASTANA.KAZINFORM – Astana qalasyndaǵy Atatúrik saıabaǵy aýmaǵynda «Kórisý kúni – Amal merekesi» atty aýqymdy mádenı baǵdarlama uıymdastyrylady.
Oǵan mádenıet qaıratkerleri, elordalyq bilim berý mekemeleriniń balalar ujymdary jáne etnomádenı ortalyqtardyń shyǵarmashylyq toptary qatysady.
Іs-sharanyń maqsaty – halqymyzdyń ǵasyrlar boıy qalyptasqan mádenı murasyn, ulttyq ónerin jáne salt-dástúrin dáripteý, eldiń birligi men ulttyq biregeıligin kórsetý, jasandy ıntellekt arqyly ulttyq dástúrmen baılanysyn kórsetý, merekelik baǵdarlamada kórermenderge ejelgi kórisý dástúri, kóktemniń kelýi men tabıǵattyń jańarýyn beıneleıtin teatrlandyrylǵan kórinister, ulttyq salt-joralǵylar men ınteraktıvti mádenı baǵdarlamalar usynylady.
Іs-shara aıasynda zamanaýı AI-aımaq ta jumys isteıdi.
Astanada tsıfrlandyrý jyly aıasynda «Naýryzbaı» jáne «Naýryzaı» atty avatarlary bar jasandy ıntellekt kómekshisi ázirlengen. Bul vırtýaldy keıipkerler qala turǵyndary men qonaqtaryna merekelik baǵdarlama, sondaı-aq Naýryzdyń tarıhy men dástúrleri týraly aqparat beredi.
Sonymen birge ulttyq mýzykalyq aspaptar men qoldanbaly óner buıymdarynyń kórmesi usynylady.
Іs-shara 14 naýryz kúni saǵat 12:00-16:00 aralyǵynda ótedi.
Aıta ketelik Astanada Tartys Fest ulttyq sport festıvali ótedi.