Altyn Orda týraly qundy eńbek qazaq tilinde jaryq kórdi
ASTANA. KAZINFORM — Tanymal frantsýz tarıhshysy Marı Faveronyń «Altyn Orda» kitaby qazaqshaǵa aýdaryldy. Osy rette Vıtse-prezıdent Erlan Qarın tarıhshymen kezdesti.
Onyń sózinshe, irgeli eńbekti shyǵarýǵa belgili baspager Raısa Qadyr muryndyq bolǵan.
— Álemdik klassıkamen qatar, ǵylymı, tarıhı, pýblıtsıstıkalyq bestsellerlerdiń de ana tilimizge kóptep aýdarylyp jatqany qýantady. Tanymal frantsýz tarıhshysy Marı Faveronyń qazaq tilinde shyqqan «Altyn Orda» kitaby da oqyrmannyń úlken oljasyna aınalady dep senemin. Іrgeli eńbekti shyǵarýǵa belgili baspager Raısa Qadyr muryndyq bolǵanyn atap ótken jón. Bul týyndynyń tól tilimizdegi nusqasymen osyǵan deıin muqııat tanysyp shyqqam. Endi, mine, avtordyń ózimen jolyǵyp, keńinen áńgimelesip, tarıh jaıynda pikir almasýǵa múmkindik týdy, — dep jazdy Erlan Qarın Instagram-daǵy paraqshasynda.
Vıtse-prezıdent jýyq arada jaryqqa shyǵatyn Qazaqstan tarıhynyń kóptomdyq jańa akademııalyq eńbeginde alǵash ret Altyn Orda kezeńine bólek tom arnalatynyn aıtty.
— Memleket basshysy aıtqandaı, biz — Altyn Ordanyń tikeleı muragerleriniń birimiz. Sondyqtan bul taqyryp bizge qaı jaǵynan bolsyn qyzyqty. Onyń ústine, jýyq arada jaryqqa shyǵatyn Qazaqstan tarıhynyń kóptomdyq jańa akademııalyq eńbeginde alǵash ret Altyn Orda kezeńine bólek tom arnaldy, — dep túıindedi ol.
Buǵan deıin habarlanǵandaı, Altyn Orda murasyn zertteýge arnalǵan halyqaralyq Qarar qabyldandy.
