Altyn Emel asýy ýaqytsha jabyldy

TALDYQORǴAN. KAZINFORM- Jetisý oblystyq tótenshe jaǵdaılar departamenti «Saryózek- Kóktal» tasjolyna shekteý qoıylǵanyn málimdedi.

Kúnniń buzylýyna baılanysty Jetisý oblysyna qarasty Kerbulaq aýdanyndaǵy joldyń bir bóligine ýaqytsha shekteý qoıyldy. Oblystyq tótenshe jaǵdaılar departamentiniń ókilderi oblys aýmaǵynda saparda júrgenderge jolda saqtyq erejelerin muqııat saqtaýdy eskertti. 

- 2025 jyly 22- shi qańtar saǵat 18:00 den bastap kúnniń buzylýyna baılanysty (qar, boran, joldyń kórinbeýi) respýblıkalyq mańyzy bar «Saryózek- Kóktal» tasjolynyń 40-68 shaqyrymy (Altyn Emel asýy) ýchaskesinde aýyr júk kólikteri men qoǵamdyq kólikter úshin qozǵalysqa shekteý engizildi,- delingen habarlamada.

Eske salaıyq osyǵan deıin Jetisýda Taldyqorǵan-Kólbaı avtojolyna shekteý qoıylǵanyn  jáne «Almaty-Óskemen» avtojolynyń bir bóliginde jol jabylǵanyn jazǵanbyz.