Altaıdaǵy qar barysyn qýalaý
ASTANA. QazAqparat - Taýly Altaı aýdanaralyq tabıǵatty qorǵaý prokýratýrasy Jelide belgisiz bireýdiń qar barysyn qýalaǵan vıdeonyń paıda bolýyna baılanysty tekserý júrgizip jatyr, dep habarlaıdy info.sibnet.ru portaly.
Vedomstvonyń ókilderi qazirgi ýaqytta sırek kezdestin ańdy qarda júrgishpen qýalaǵan tulǵanyń, sondaı-aq beınejazbanyń túsirilgen orny men ýaqyty anyqtalyp jatqanyn túsindirdi. Buǵan deıin ǵalamtorda jyrtqysh ańdy qýalaý túsirilgen rolık jarııalanǵan edi.
Vıdeony taratýshylardyń aqparatyna sáıkes, oqıǵa Saılıýgem ulttyq saıabaǵynda oryn alǵan.
Dúnıejúzilik jabaıy tabıǵat qorynyń (WWF) málimetterinshe, Reseıde bulardyń sany 70-90 aralyǵynda. Bul Qyzyl kitapqa engizilgen, 12 el aýmaǵynda ǵana tirshilik etetin sırek nemese joǵalyp bara jatqan janýar bolyp tabylady.
