Almatynyń ІT arhıtektýra jospary bekitildi
IT keńeske qatysýshylar 2020 jyly atqarylǵan jumysty qorytyndylady, IT-kásipkerlikti qoldaý, IT-qyzmetterin tsıfrlandyrý men eksporttaýdy damytý úshin jaǵdaı jasaý jáne memlekettik organdarmen ózara is-áreket etý jónindegi bastamalardy talqylady.
«Jol kartasy» aıasynda 2020 jyly TÚKSh, kólik, halyqqa qyzmet kórsetý, bilim berý jáne densaýlyq saqtaý salalarynda jobalar iske asyryldy.
Sonymen qatar, ótken jyly qala ekonomıkasynyń qajettilikteri úshin tsıfrlyq ónimderdi jetkizýshiler sany 65 baǵdarlamashyǵa deıin ósti, onyń 50% - startap jobalar.
Sonymen qatar, 2021 jylǵa arnalǵan «Jol kartasy» jańartyldy.
Almaty ákimi B. Saǵyntaev qalada aqparattyq tehnologııalardy tabysty damytý úshin barlyq komponentter - jergilikti bılik tarapynan qoldaý, damyǵan ýnıversıtettik orta jáne oqyǵan jergilikti qoǵamdastyq bar ekenin atap ótti.
Keńes músheleri megapolıs Ortalyq Azııa aımaǵynda IT-tehnologııalardy damytýdaǵy eń ozyq ekenin basa aıtty.
Aqparattyq tehnologııalar salasyn qalanyń ekonomıkalyq sektorynyń kóshbasshysyna aınaldyrý úshin Almatynyń adamı áleýeti joǵary.
Almaty qalasynyń ákimi Baqytjan Saǵyntaev pen QR Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın Almatyda «Zerde» holdıngimen birlesip ázirlengen IT arhıtektýrany qalyptastyrýdyń maqsatty josparyna qol qoıdy.
Onda megapolısti tsıfrlandyrý jaǵdaıy taldanady, sondaı-aq turǵyndar, bıznes pen memlekettiń ózara is-qımylynyń dástúrli formalaryn jetildirýge baǵyttalǵan basym jobalar anyqtalady.
IT arhıtektýra sheńberinde ártúrli baǵyttardy ári qaraı damytý jáne Smart City tehnologııalyq platformasynyń tetikterin júzege asyrý sóz boldy.
