Almatynyń Alataý aýdanynda qandaı problemaly nysandar bar
Qala ákiminiń jumys kestesinde Alataý aýdany alǵashqy lokatsııa bolyp belgilendi, óıtkeni munda ınjenerlik jelilerdiń, jyljymaıtyn múlik obektileri aıaqtalmaǵan qurylysynyń, jol jabyny bolmaýynyń jáne taǵy basqa problemalarǵa baılanysty kóptegen máseleler qordalanyp qalǵan.
Aralaý 14-aýmaq shaǵyn aýdanyndaǵy ınjenerlik jeliler qurylysynyń aıaqtalmaǵan obektisinen bastaldy.
Aýdan turǵyndary merdiger – «Keregetas» JShS kompanııasynan (sot jaýapsyz dep tanyǵan) 2017 jyldan bastap sýmen jabdyqtaý jáne káriz boıynsha jumystardyń aıaqtalýyn kútýde.
Búginde munda joldyń joqtyǵy jáne joǵaryda atalǵan jumystardyń nátıjesinde jol jabynyn qalpyna keltirýdiń múmkin emes máselesi ótkir tur.
Kóshpeli jıyn barysynda qala basshysy problemalyq máseleni sheshý jónindegi sharalardy iske asyrýdyń negizgi kezeńderin anyqtady.
Injenerlik jelilerdiń qurylysyn aıaqtaý jáne jol jabynyn qalpyna keltirý aǵymdaǵy jylǵa josparlandy.
Megapolıs basshysy Shańyraq-1 shaǵyn aýdanyndaǵy sýmen jabdyqtaý jáne káriz jelileriniń qurylys barysymen tanysty.
Búginde munda 2460 jeke menshik úı ornalasqan, 21 800 adam turady.
Kóshpeli jıynnyń qorytyndysy boıynsha bıyl Ótemisov kóshesiniń jolyna ortasha jóndeý júrgizý týraly sheshim qabyldandy.
Shaǵyn aýdandy sýmen jabdyqtaý jáne káriz jelilerimen tolyq qamtý úshin qala ákimi jobalyq-smetalyq qujattamany daıyndaýdy jáne ınjenerlik jeliler qurylysyn 2022 jyly aıaqtaýdy qarjylandyrýdy qamtamasyz etýdi (eskertý - sýmen jabdyqtaý jáne sý burý jelileriniń qurylysyn aıaqtaýdy qamtamasyz etý úshin 45,7 km sý qubyry jáne 53,7 km káriz jelileriniń qurylysy bastaldy) tapsyrdy.
Injenerlik jelilerdi tartqannan keıin búkil shaǵyn aýdanda asfalt jabyny qalpyna keltiriledi.
Joǵaryda aıtylǵandardan basqa, ákim men turǵyndardyń bastamashyl toby «Halyqtyń bıýdjetke qatysýy» baǵdarlamasy aıasynda qoǵamdyq kólik sanyn ulǵaıtý jáne balalar oıyn alańdaryn salý máselelerin talqylady.
Alataý aýdanyn aralaý kezinde kezekti lokatsııa Rahat-Mádenıet shaǵyn aýdany boldy, munda turǵyndardyń kóptegen shaǵymdaryna jaýap retinde «Mádenıet» turǵyn úı keshenin jańa Saın kóshesi arqyly jaıaý júrginshiler ótkelimen, jaıaý júrginshiler trotýarymen qamtamasyz etý, sondaı-aq aıaldama keshenin ornatý jáne qosymsha kólik baǵyttarynyń jelilerin iske qosý nemese jumys istep turǵandaryn (shaǵyn aýdannan qalaǵa deıin) ulǵaıtý jóninde sheshim qabyldandy.
Turǵyndardyń ótinishine jaýap retinde saýda nysandaryn óte qajet taýarlarmen qamtamasyz etý máselesin pysyqtaý aýdan ákimi men Almatynyń kásipkerlik jáne ınvestıtsııalar basqarmasyna tapsyryldy.
Zerdeli shaǵyn aýdanynda qala basshysyna Móńke bı – Saın boıyndaǵy jolaıryǵynyń qurylysy jáne Rysqulov dańǵylynan Móńke bı kóshesine deıin Saın kóshesin uzartý jobasy kórsetildi, bular iske asqanda Momyshuly kóshesindegi kólik aǵyny jeńildeıtin bolady. Kólik qozǵalysyn iske qosý maqsatynda Erbolat Dosaev jumystardy kestege sáıkes – 2023 jyldyń sońyna deıin aıaqtaýdy tapsyrdy.
Zerdeli shaǵyn aýdany turǵyndarymen kópqabatty turǵyn úılerdi nyǵaıtý taqyryby keńinen talqylandy.
Kezdesý qorytyndysy boıynsha qala ákimi jaýapty bólimshelerge qalǵan 9 úıdi nyǵaıtýdy, áli salynyp bitpegen kópqabatty 2 úıdiń qurylysyn aıaqtaýdy, sondaı-aq aýlalardy abattandyrýdy jáne jasyl jelekter otyrǵyzýdy ulǵaıtýdy tapsyrdy.
Sondaı-aq, shaǵyn aýdandy aralaý barysynda qala basshysy táýligine 700 kelýshige arnalǵan salynyp jatqan dene shynyqtyrý-saýyqtyrý keshenine bardy.
Nysandy osy jyly paıdalanýǵa berý josparlanyp otyr.
Qala basshysynyń nazarynan Almaty qalasynyń Indýstrıaldy aımaǵy da tys qalmady, búginde munda qurylys, farmatsevtıka, hımııa, tamaq jáne jeńil ónerkásip salalarynda jalpy ınvestıtsııa somasy 113,7 mlrd teńgege 19 iri otandyq jáne sheteldik joba iske asyryldy.
Jumys sapary barysynda ákim «Ala Estate» JShS ónerkásiptik parkiniń jumysymen tanysty, munda tamaq jáne jıhaz ónerkásibiniń 3 shaǵyn kásiporny ornalasqan jáne 90 jumys orny qurylǵan.
Ónerkásiptik parktiń qurylysyna 450 mln teńge ınvestıtsııalandy, jalpy alańy 4,3 myń sharshy metrdi quraıdy (Almatyda barlyǵy 15 shaǵyn óndiristik park bar, olardyń 8-i jumys isteıdi, qalǵandarynyń qurylysy qarqyndy júrýde).
Munda qala basshysy «TEPLOSTIL» zaýytynyń qurylys barysymen tanysty. Kompanııa jylytqyshtyń úsh túri bar termopanelderdiń serııalyq jáne sertıfıkattalǵan óndirisi boıynsha Qazaqstandaǵy alǵashqy kásiporyn bolyp tabylady. Zaýyttyń qýattylyǵy jylyna 240 000 sharshy metr ónimdi quraıdy.
Qazirgi kezde eki óndiristik tseh salyndy, qosalqy nysan salý jáne qazandyqty jaılastyrý boıynsha qurylys-montaj jumystarynyń kesheni júzege asyrylýda.
Óndiristi tolyq kólemde iske qosý 2022 jyldyń mamyr aıyna josparlanǵan. Jobaǵa 500 mln teńge ınvestıtsııalandy, 30 jańa jumys ornyn qurý josparlanýda.
Aýdandy aralap shyqqan qala ákimi Alataý aýdanynyń ákimshilik ortalyǵyn damytý jobasymen tanysty.
Bas josparǵa sáıkes aýdannyń ákimshilik ortalyǵyn damytý jáne Rysqulov dańǵylynan Móńke bı kóshesine deıingi bos jer ýchaskelerin tıimdi paıdalaný maqsatynda 10-nan astam jobany iske asyrý josparlanýda (onyń ishinde jelilik park, 6 mektep, 6 saıabaq aımaǵy, kópbeıindi 2 aýrýhana kesheni, jeńil atletıka maneji, saýda-oıyn-saýyq ortalyǵy).
Budan basqa, batys bóliginde mektepke deıingi bilim berý jáne demalys ortalyqtary qosa salynatyn 3 turǵyn úı kesheniniń qurylysy josparlanýda.
Megapolıs basshysy Alataý aýdanynyń ákimi Azamat Qaldybekovtyń jumysyn jalpy maquldap, «Shetsiz qala» baǵdarlamasy aıasynda aýdandy odan ári damytý jóninde birqatar naqty tapsyrmalar berdi.
