Almatydan 609 km qashyqtyqta jer silkindi

ASTANA. QazAqparat - QR Tótenshe jaǵdaılar mınıstrligine qarasty «Seısmologııalyq tájirıbelik-ádistemelik ekspedıtsııasy» memlekettik mekemesiniń seısmıkalyq stansalar jelisi búgin Almaty ýaqytymen 8 saǵat 17.24-te jer silkinisin tirkedi, dep habarlaıdy QazAqparat.

Terbelis oshaǵy Almaty qalasynan ońtústik-batysqa qaraı 609 shaqyrym jerde, Tájikstan aýmaǵynda ornalasty.

Jer silkinisiniń energetıkalyq sanaty – 11,1.

MPV magnıtýdasy - 4,9.

Tereńdigi – 15 km.

MSK-64 baǵany boıynsha sezilý týraly aqparat túspegen.

Eske salaıyq, búgin Qazaqstannyń seısmıkalyq stansalary birneshe jer silkinisin tirkedi. Onyń ishinde Tájikstan aýmaǵynda 7 ball qýatymen bolǵan jerasty dúmpýi Almaty men Shymkent qalalarynda sezildi. Kóp uzamaı Tájikstanda 5,6 magnıtýdasymen terbelis qaıtalandy. Tústen keıin elde taǵy jer silkindi. Tájikstannyń ulttyq aqparat agenttigi «Hovar»-dyń málimetinshe, tańǵy jer silkinisinen keıin 5 aftershok tirkelgen.

Búgin jerasty dúmpýi Qazaqstan aýmaǵynda da boldy. Magnıtýdasy – 4,1.

Sondaı-aq búgin tańerteń Ózbekstan men Qyrǵyzstanda 4 baldyq jer silkinisi tirkeldi.

Foto: static.vkurse.kz