Almatyda jylytý maýsymy bastaldy

ALMATY. QazAqparat – Almatyda 2022-2023 jyldardaǵy jańa jylytý maýsymy bastaldy, dep habarlaıdy QazAqparat tilshisi Almaty qalasy ákimdigine silteme jasap.

«Qala ákiminiń tapsyrmasy boıynsha 2022-2023 jyldardaǵy jańa jylytý maýsymy Almatyda 17 qazanda bastaldy. Jańa jylytý maýsymy bastalǵan kún meteorologııalyq boljamdar men Almatydaǵy aýa raıynyń kúndelikti monıtorıngi negizinde anyqtaldy»,- delingen Almaty ákimdiginiń habarlamasynda.

Bul rette tutynýshylardy jylýmen jabdyqtaýǵa qosý mynadaı kezek boıynsha kezeń-kezeńmen júzege asady:

- balabaqshalar, emdeý oryndary, mektepter, kásiptik mektepter, medıtsınalyq-áleýmettik mekemeler;

- turǵyn úıler, jataqhanalar, qonaq úıler;

- ákimshilik ǵımarattar, oqý oryndary, teatrlar;

- basqa ǵımarattar.

Sondaı-aq, ákimdiktiń málimetinshe, jylytý maýsymyna jabdyqtaý jelilerin daıyndaý jumysy kestege saı júrgizildi.

«Almaty jylý jelileri» JShS tutynýshyny jylýmen qamtamasyz etedi. Jylý jelileri jylý energııasyn balanstyq shekteý shekarasyna deıin (úıge kirer tusqa) jetkizedi. Basqarýshy kompanııa, PIK, OSI úıge kireberistegi parametrlerdi tekserip, úı ishindegi jylýmen jabdyqtaý júıesin qosýǵa tıis»,- dep habarlady Almaty qalasy ákimdigi.