Almatyda jylý men ystyq sýǵa tarıfter ózgerdi
«Almaty jylý jelileri» JShS jylý men ystyq sýǵa qatysty tarıfterdi QR Ulttyq ekonomıka mınıstrligi Tabıǵı monopolııalardy retteý men básekelestikti qorǵaý komıteti Almaty qalalyq departamentiniń 2018 jyldyń 29 qańtaryndaǵy №255-OD buıryǵyna sáıkes ózgertip otyr.
Máselen, jylý esepteý quraldary bar kóppáterli úılerdiń turǵyndary úshin tarıf ár aıǵa ártúrli bolady. Qazan aıyna - 38,51, qarashaǵa - 191,82 tg/m2 tarıf ornatyldy. Maksımaldy tólem qańtarda 281,10 tg/m2 bolady.
«Adamdar saralanǵan tarıfti, ásirese qańtardaǵy tólem naýryz ben qazan aılaryna qaraǵanda kóbirek bolǵanyn kórgende, ony qymbattady dep oılaıdy. Biraq baǵa kóterilmeıdi. Saralanǵan tarıf jylýdyń paıdalanylýyna baılanysty ár aıda ártúrli bolady. Eń sýyq kezde sýdyń qyzýy 90-95 gradýsqa kóteriledi. Sáıkesinshe, qańtardaǵy jylý qymbat bolady. Esepteý quraly, sondaı-aq úıge qansha jylý kirgenin esepteıdi. Esepteý quraly joq turǵyndarmen salystyrǵanda bul arzanyraq. Turaqty shama da jyl mezgiline baılanysty ózgerip otyrady. Biraq, qazannan sáýir aıyna deıingi barlyq tólemderdi qosyp, aılardyń sanyna bóletin bolsaq, ózgerissiz qalyp otyrǵan jáne belgilengen tarıfke sáıkes keletin ortasha shama shyǵady», - dedi «Almaty jylý jelileri» JShS resmı ókili ıAn Gırın.
Aıta ketý kerek, buǵan deıin jylý esepteý quraly joq almatylyqtar - aıyna 8139,04 tg/Gkal, quraly bar úı turǵyndary 5967,11 tg/Gkal tarıfpen tólep kelgen. Bul tarıf 2019 jyldyń qańtaryna deıin saqtalady.
Jalpy úıde esepteý quraly, ár páterde sý esepteý quraly ornatylǵan almatylyqtar sýdyń 1 tekshe metri úshin qazirgi 477 teńgeniń ornyna 466,38 teńge tóleıtin bolady.
«Jylý energııasynyń quny 2019 jyldyń 1 qańtarynan bastap tómendetiledi. Kásiporyn esebinen rezervter tabyldy. Jylý energııasyn berý quny arzandady. Qazir ol - QQS-ty qosqanda 2087,41 teńge/Gkal. Al 1 qańtardan bastap QQS-ty qosa eseptegende 2074,8 teńge/Gkal bolady. Jylý kózderi - óz tarıfteri belgilengen JEO, qazandyqtar. Olardan jylýdy Almaty jylý jelileri satyp alady. Al olardan biz satyp alyp, jylý jetkizý tarıfin qosyp, eń sońǵy tutynýshy - zańdy jáne jeke tulǵalarǵa jetkizemiz. 2019 jyldyń qańtarynan bastap sońǵy tutynýshyǵa arnalǵan jalpy tarıf jylýdyń nasosty stantsııalar arqyly qubyrmen jetkizilýi esebinen tómendetilip otyr. Al mınıstr óz sózinde aıtyp ótken jylý kózderiniń tarıfin tómendetý máselesi qosymsha sheshiletin bolady. Ony biz sheshpeımiz, múmkin, JEO-2 úshin kómirdi jetkizý quny, JEO-1 men qazandyqtarǵa gazdy jetkizý baǵasy esebinen jasalatyn shyǵar»,- dedi ıAn Gırın.
