Almatyda zańsyz syra óndirgen jasyryn tseh anyqtaldy
ALMATY. KAZINFORM – Almatynyń Túrksib aýdanynda alkogol ónimderin zańsyz óndirilgen.
Qalalyq Polıtsııa departamentiniń málimetinshe, ǵımarat jertólesinde ornalasqan syra óndiretin jasyryn tseh áshkerelendi. Oqıǵa ornynan arnaıy óndiristik jabdyqtar, daıyn ónimniń iri kólemi, sondaı-aq óndiris protsesinde paıdalanylatyn ydystar men shıkizat tabylǵan.
Zańsyz aınalymnan jalpy kólemi shamamen 7 myń lıtr syra, sondaı-aq shyny ydystar jáne alkogol ónimderin daıyndaýǵa qajetti shıkizat alynǵan.
- Atalǵan derek boıynsha barlyq mán-jaılardy tolyq ári jan-jaqty anyqtaýǵa baǵyttalǵan tekserý amaldary bastaldy. Mundaı quqyqbuzýshylyqtar erekshe baqylaýda. Polıtsııa azamattarǵa alkogol ónimderin zańsyz óndirý jáne ótkizý zańmen qatań jaýapkershilikke ákeletinin eskertedi, — dedi Túrksib aýdandyq polıtsııa basqarmasynyń bastyǵy Dýman Aýhadıev.
Eske salaıyq, buǵan deıin Almatyda 20 jastaǵy kýrerden 2,5 keli esirtki tárkilendi.
