Almatyda jas zertteýshiler forýmy ótip jatyr
ALMATY. 6 naýryz. QazAqparat - Búgin Almatyda "Qazaq prozasyndaǵy áıel taǵdyry" degen taqyrypta jas zertteýshiler forýmy ótip jatyr.
Ony uıymdastyrǵan Ál-Farabı atyndaǵy Qazaq ulttyq ýnıversıteti fılologııa, ádebıettaný jáne álem tilderi fakýltetiniń qazaq ádebıeti jáne ádebıet teorııasy kafedrasynda qurylǵan "Aı-Arý" rýhanı-tanymdyq ýnıversıtetiniń stýdent-qyzdar ortalyǵy.
Bul forým respýblıkadaǵy joǵary oqý oryndary fılologııa fakýltetteriniń stýdentteri arasynda ótkizilýde. Onda qazaq prozasyndaǵy áıel taǵdyry, avtorlyq ustanym, obraz shynaıylyǵy, kezeń shyndyǵy, janrlyq kórkemdik sıpattar turǵysynda ǵylymı baıandamalar jasalady. Sondaı-aq taqyryp baǵytynda dóńgelek ústel jıyny uıymdastyrylyp, zııatkerlik saıys ótedi. Oǵan belgili qalamgerler, ádebıettanýshy ǵalymdar, ádebıet synshylary men joǵary mektep oqytýshylary tóraǵalyq jasaıdy. Forým sońynda M. Jumabaevtyń «Sholpannyń kúnási» áńgimesi boıynsha túsirilgen «Kúná» fılmi kórsetiledi», - deıdi «Aı-Arý» rýhanı-tanymdyq stýdent-qyzdar ortalyǵynyń baspasóz hatshysy Saltanat Baltabaı.
