Almatyda jas ǵalymdar Elbasy Joldaýyn talqylady
ALMATY. QazAqparat - Búgin Almatyda QR Tuńǵysh Prezıdenti - Elbasy Qorynyń ǵımaratynda Nursultan Nazarbaevtyń «Qazaqstan jańa jahandyq naqty ahýalda: ósim, reformalar, damý» atty Qazaqstan halqyna arnalǵan Joldaýyn talqylaý boıynsha dóńgelek ústel ótti.
Oǵan elimizdegi aldyńǵy qatarly joǵary oqý oryndarynyń jas ǵalymdary men úzdik oqıtyn jáne qoǵamdyq jumystarǵa belsene aralasatyn stýdentteri qatysty.
Elbasy qory janyndaǵy Jas ǵalymdar Keńesiniń Elbasy Joldaýyn talqylaýǵa baılanysty uıymdastyrǵan bul sharasy osymen besinshi jyl ótkizildi.
Dóńgelek ústel barysynda jas ǵalymdar Joldaýda daǵdarysty eńserýge baılanysty belgilengen ekonomıkalyq sharalardy oı eleginen ótkizdi.
«Statıstıkaǵa súıensek, elimizde mektep túlekteriniń barlyǵy birdeı joǵary oqý oryndaryna túse bermeıdi. Nege? Óıtkeni jaǵdaılary kele bermeıdi. Sondyqtan olarǵa tegin kásiptik-tehnıkalyq bilim berý boıynsha qolǵa alynatyn sharalar elimizde ınvestıtsııalyq ekonomıkanyń damýyna qosylǵan tamasha úles bolar edi. Kásiptik-tehnıkalyq mamandar - elimizge óte qajetti eńbek resýrstary», - dedi óz sózinde ál-Farabı atyndaǵy Qazaq ulttyq ýnıversıtetiniń pedagogıka jáne bilim berý menedjmenti kafedrasynyń dotsenti Ernar Ońalbekov.
Óz kezeginde QR Bilim jáne ǵylym mınıstrliginiń Fılosofııa, saıasattaný jáne dintaný ınstıtýtynyń ǵylymı qyzmetkeri Ermek Toqtarov «Joldaýda jalpyǵa birdeı eńbek qoǵamy jaıly keńinen aıtylǵandyǵyna toqtalyp ótti .»Óıtkeni, ondaǵy sharalar arqyly tek orta tap qana emes, búkil Qazaqstan halqynyń múddesi qorǵalady», - deıdi ol.
