Almatyda jalǵan dollar jasaǵandar sottaldy
Agenttiktiń Almaty qalasy boıynsha Ekonomıkalyq tergep-tekserý departamenti jalǵan AQSh dollaryn saqtaýmen jáne ótkizýmen aınalysqan qylmystyq topqa qatysty sotqa deıingi tergeýdi aıaqtady.
«2020 jyldyń tamyz aıynda jedel-izdestirý is-sharalaryn júrgizý kezinde Almaty qalasynyń aýmaǵynda jalpy somasy 4 200 dollar bolatyn 42 dana 100 AQSh dollary nomınalyndaǵy jalǵan shetel valıýtasyn satýmen aınalysatyn eki adamnan turatyn qylmystyq top áshkerelenip, ustaldy», delingen habarlamada.
Sot úkimimen aıyptalýshylar Qylmystyq kodekstiń 231-baby 2-bóligi 2,3-tarmaǵy (jalǵan aqshany nemese baǵaly qaǵazdardy daıyndaý, saqtaý, tasymaldaý nemese ótkizý) boıynsha kináli dep tanylyp, 3 jyldan 5 jylǵa deıin bas bostandyǵynan aıyrý túrindegi ártúrli jaza merzimine sottaldy.