Almatyda zańsyz karer jabyldy

ALMATY. QazAqparat - Naýryzbaı aýdanynyń turyǵyndary kezdesý barysynda Erbolat Dosaevtan Almaty oblysy Qarasaı aýdanynyń aýmaǵyndaǵy karerdiń ıelerine shara qoldanýdy, olardyń turǵyn úılerge jaqyn ornalasqanyn ári únemi shý men shań-tozańnan kóz ashpaıtyndaryn aıtyp shaǵymdanǵan bolatyn. Osyǵan baılanysty tekserý júrgizildi. Nátıjesinde zańsyz karer jabyldy, dep habarlaıdy QazAqparat tilshisi.

Qala ákimdiginiń habarlaýynsha, Almaty qalasy men Almaty oblysy Qarasaı aýdanynyń ákimdikteri karerlerdi qazý úshin keminde qashyqtyǵy 500 shaqyrym bolýy tıis sanıtarlyq qorǵaý aımaǵyn nazarǵa almaǵany anyqtaldy.

Turǵyndar qala ákimine júgingennen keıin másele oń sheshimin tapty. Almaty qalasy ákimdiginiń ótinishi boıynsha Almaty oblysynyń ákimdigi karerdiń jumysyn tekserýdi uıymdastyrdy, nátıjesinde qoldanystaǵy zańnama talaptarynyń buzylǵany rastaldy.

«Naýryzbaı óńirimen shekaralas jerde karerdi ıgerýmen úsh fırma aınalysty. Qazirgi tańda eki kásiporynnyń jumysy toqtap, joıý satysynda tur. Úshinshi kompanııa boıynsha jumys toqtatyldy»,- dep habarlady Almaty ákimdiginiń baspasóz qyzmeti.