Almatyda tutas aýdan jaryqsyz qaldy
ALMATY. QazAqparat – Almatyda elektr taratý jelisi zaqymdanyp, tutas aýdan jaryqsyz qaldy, dep habarlaıdy QazAqparat tilshisi.
Qalalyq Energotıimdilik jáne ınfraqurylymdyq damý basqarmasy habarlaǵandaı, Almaty aýdandarynyń birinde kerneýi 35 kılovolt bolatyn elektr taratý jelisi zaqymdanǵan.
«Alataý jaryq kompanııasy» taratqan málimetke sáıkes, tańǵy 9:30-da 35 kV jelisiniń zaqymdanýy joǵary jıilikti jelide elektr togynyń kelýin tómendetti. Sonyń yqpalynan PS-4 shaǵyn stansasynda jaryq berý toqtatyldy. Saldarynan Qarasaı batyr - Baıtursynov - Jandosov - Tımırıazev – Jarokov kósheleriniń sharshysyndaǵy ǵımarattarǵa elektr energııasy toqtatyldy»,- dedi basqarmadan.
Keshke taman atalǵan aýdandy elektr energııasymen qamtý qalpyna keltirildi.
