Almatyda terekter zańsyz otalǵan
ALMATY. QazAqparat – Almaty qalalyq Jasyl ekonomıka basqarmasy Gagarın-Berezovskıı kósheleriniń qıylysyndaǵy terekterdiń zańsyz otalýyna qatysty túsinik berdi, dep habarlaıdy QazAqparat tilshisi.
«Atalǵan mekenjaıda 3 terek otalǵany anyqtaldy. Bul aǵashtardy kesý úshin basqarmaǵa ótinish túspegen. ıAǵnı, basqarma ruqsat bermegen. Tabıǵatty qorǵaý prokýratýrasynyń habarlaýynsha, QR ÁqbK 386-babyna sáıkes jeke tulǵaǵa aıyppul salyndy»,- dedi basqarmadan.
Endi aıypty tulǵalar ótemaqy retinde jalpy qoldanystaǵy jerlerge jańa kóshetter otyrǵyzýǵa mindetteledi.
Ol oryndardy basqarma anyqtaıtyn bolady.
Almatyda aǵash kesý derekteri kópshiliktiń narazylyǵyn týdyrady.
Aıta ketý kerek, 23 qarashada «Sulpak» saýda úıinińi aldyndaǵy qaraǵashtar zańsyz otalǵan bolatyn. Keıinirek qalalyq Jasyl ekonomıka basqarmasy merdiger kompanııalarǵa aıyppul saldy.
Bul derek kópshiliktiń narazylyǵyn týdyrdy.
Qala ákimi Baqytjan Saǵyntaev pen QR Prezıdenti Qasym-Jomart Toqaev aıyptylarǵa qatysty qatań jaza qoldanýdy tapsyrǵan bolatyn.
