Almatyda maınıngtik ferma anyqtaldy
ALMATY. QazAqparat - Qarjy monıtorıngi agenttiginiń Almaty qalasy boıynsha aýmaqtyq departamenti Almaty ındýstrııalyq aımaǵynda ornalasqan «maınıngtik» fermany anyqtady. Bul týraly QazAqparat Agenttikke silteme jasap habarlaıdy.
Tergeý sotynyń sanktsııasymen júrgizilgen tintý barysynda 6 konteınerde maınıngttik fermalarynda krıptovalıýtany óndirýge arnalǵan shıfrlaý kesheni bar 700-den astam jabdyq anyqtalyp tárkilengen bolatyn.
Qazirgi ýaqytta tergeý sharalary júrgizilip, saraptamalar taǵaıyndaldy.
Ózge aqparat tergeý múddesine baılanysty jarııa etilmeıdi.
