Almatyda «Máńgilik saryn» atty kúı keshi ótti
Aıta keterligi, kúıdi qasterleıtin talǵamy joǵary kórermen úshin uıymdastyrylǵan kesh tegin ótti. Bul bir jaǵynan jaqynda ǵana barsha áleýmet bolyp keńinen toılaǵan Áz mereke - Naýryzǵa arnalǵan is-sharalardyń qorytyndysy sekildi. Erekshe serpin, sán-saltanatpen ótken kúı keshine belgili dáýlesker kúıshiler Serjan Shákiratov, Abdýlhamıt Raıymbergenov, Ádilbek Atyǵaev, Aıgúl Úlkenbaeva, Janǵalı Júzbaev, Muqash Tańǵytuly, Talǵat Muqysh, Murat Ábýǵazy, Nurken Áshirov, Batyrjan Myqtybaev, Erbolat Mustafaev, Sáýle Qanıeva, Ardabı Máýlituly jáne «Sazgen sazy» etnografııalyq - folklorlyq ansambli qatysty. Kúı keshinde el arasynda saqtalyp, búgingi kúnge jetken barlyq kúı mektepterine tán shyǵarmalar oınaldy. Sondaı-aq, búgingi tańda umyt bolyp, qoldanystan shyǵa bastaǵan kónergen saz aspaptarda da halyq kúıleri oryndaldy.
Kúı - halqymyzdyń ulanǵaıyr mýzykalyq qazynasynyń mol salasy, qurylymy, mazmuny, basqa da kóp sıpattary jóninen kemel damyp, bıik órege jetken janrlarynyń biri.
