Almatyda qurylys salasynyń úzdikteri anyqtaldy
ALMATY. 10 tamyz. QazAqparat - Almatyda qurylys salasynyń úzdikteri qala ákiminiń «Qurmet» dıplomy men QR Qurylys jáne turǵyn úı-kommýnaldyq sharýashylyq isteri agenttiginiń arnaıy tós belgilerimen marapattaldy.
Ony qala ákimi Ahmetjan Esimov Sholpan Erjanova, Qulpash Dáýletbekova, Malık Syzdyqov sııaqty qurylys salasynyń 8 úzdigine «Qurmet» gramotasyn tabys etti. Al QR Qurylys jáne turǵyn úı-kommýnaldyq sharýashylyq isteri agenttiginiń Jaýapty hatshysy Salaýat Mahanbetuly Sársenbek Ábýov, Asqar Ádilbaev, Kerimqul Esimbekov, Bolat Saýranbaev sekildi 9 azamatty «Qazaqstannyń qurmetti qurylysshysy» tósbelgisimen marapattady. Sondaı-aq Qartaıǵan Esenbaev, Nurlybaı Imaǵambetov, Láıla Saparǵalıeva tárizdi 5 azamat «Qurmeti sáýletshi» tós belgisiniń ıegeri atandy. Salaýat Dembaıdyń aıtýynsha, endi jaqyn arada QR Qurylys jáne turǵyn úı-kommýnaldyq sharýashylyq isteri agenttiginiń bastamasy boıynsha «Qurmetti turǵyn úı-kommýnaldyq sharýashylyq qyzmetkeri» tós belgisi paıda bolmaq.
