Almatyda qurbandyqtyń quny qansha
Tutynýshylar arasynda ashatuıaqtylardyń ishinen kóbine qoıǵa suranys kóp.
Búginde qala irgesindegi Sultan bazarynda toqtynyń quny - 15-25 myń teńge bolsa, 25-35 myń teńgege qoı alýǵa bolady. Іri qoshqarlardyń quny 40-50 myńǵa deıin barady.
Qurbandyq malyna jatatyn iri qara quny da jasyna qaraı 100-150 myńnan 300 myńǵa deıin baǵalanyp otyr. Satýshylar saýdalasýǵa qarsy emes.
Sultan mal bazarynyń saýdageri Nurlan Mámetqasymovtyń aıtýynsha, tańerteńnen túske deıingi aralyqta shamamen 150-200 mal satylǵan.
Bazarda arnaıy mal soıatyn, ishek-qaryn tazalaıtyn oryn bar. Turmystyq jaǵdaıy kelmeıtin qalalyqtardyń birazy maldy sol jerde soıǵyzyp jatyr.
«Búgin eldiń kóbi ishek (arapa) shalatyn bolǵandyqtan, kópshiligi úılerine tirileı alyp ketip jatyr. Al erteń qurbandyq shalatyn kezde, kópshiligi osy jerde soıǵyzady. Tipti, osy jerden soıǵyzyp, osy jerde taratyp jiberetin adamdar bar. Alaıda, bıyl saýda byltyrǵyǵa qaraǵanda baıaý», - dedi Nurlan Mámetqasymov.
Onyń aıtýynsha, sol sebepti erteń qurban aıt kezinde de osy baǵa saqtalady.
Din salasy mamandary jaǵdaıy kelgen ár bir musylman qurbandyq shalýǵa mindetti ekenin aıtady. Máselen 85 gr altyny ne bolmasa osy altynǵa teń aqshasy bar adam qurbandyq shalýy kerek. Al qaryzy kóp, jaǵdaıy joq jandardyń qurbandyq shalýy mindet emes.
Al qala bıligi azamattarǵa maldy kez-kelgen jerde soımaı, arnaıy bekitilgen oryndarǵa aparyp soıýdy eskertip otyr.
Qalalyq Aýyl sharýashylyǵy jáne veterınarııa basqarmasy «Qurban aıt» merekesi kezinde qurban shalýǵa ruqsat etilgen oryndardyń tizimin jarııalady.
Alataý aýdany boıynsha: 1) «Beket ata» meshiti (Shańyraq-1 yqsham aýdany), 2) «Ásker ata» meshiti (Aıgerim-1 y/a), 3) «Myrzahmet» meshiti (Qarasý y/a), «Alǵabas» meshiti (Alǵabas y/a)
Áýezov aýdany boıynsha: 1) «Taýgúl» meshiti (Taýgúl-3 y/a), «Saýran-ıslam mádenıet ortalyǵy», «Taýgúl» qaırymdylyq mekemesi (Taýgýl-3 y/a)
Bostandyq aýdany boıynsha: 1) «Nur-múbarak» meshiti (Al Farabı k-si, 73), «Orbıta» meshiti (Orbıta-3 y/a, Mýstafın k-si, 5E),
Jetisý aýdany: 1) «Ál-Mádına» meshiti (Rabochıı kenti y/a, Fedorov k-si, 12), «Vaınah» meshiti (Aıtyqov k-si, 1), «Ic-commerse» JShS mal soıý oryny (Polejaev k-si, 93A)
Medeý aýdany: 1) «Fatıma» meshiti (Dobrolıýbov k-si, 138), «Raıymbek batyr» meshiti (Dýman y/a, Han táńiri k-si, 1), «Almaty qalasynyń ortalyq meshiti» (Pýshkın k-si, 16), «Ýmar ıbn ál Hattab» meshiti (Gornyı gıgant y/a, Jýkov k-si, 36), «Amanqul ata» meshiti (mkr. Kók Tóbe, Ázerbaev k-si, 1)
Naýryzbaı aýdany: 1) «Taý samaly» bazar (Taýsamaly y/a, Qonaev k-si, 2), «DI» saýda ortalyǵy janyndaǵy alań (Jandosov k-si, 2)
Túrksib aýdany: 1) «Fıralı» meshiti (Jarylǵasov k-si, 79), «Qaırat» meshiti (Kaırat y/a, Táttimbet k-si, 1/1).
