Almatyda esirtki saýdalaýshy ustaldy
Qalalyq polıtsııa departamenti baspasóz qyzmetiniń málimetinshe, esirtkige qarsy kúres ókilderi birneshe aıdan beri áıel adamnyń qylmystyq qyzmeti týraly dálel jınaǵan.
Almaty turǵyny esirtkini alyp, qajetti oryndarǵa jetkizip otyrǵan. Qylmysker tólemdi qolma-qol aqshasyz, aldyn ala alyp otyrǵany belgili boldy.
«Kúdiktiniń páterin tintý barysynda «pırrolıdınovalerofenon» psıhotropty zaty men esirtki quraldary - «gashısh» pen «marıhýana» tabyldy. Mamandar saraptaý júrgizip jatyr», - dep atap ótti Almaty qalasy PD Esirtki bıznesine qarsy kúres basqarmasynyń basshysy Erlan Álmaǵambetov.
QR QK 297 baby (Esirtki, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, ıemdený, saqtaý, tasymaldaý, jóneltý ne ótkizý) boıynsha tergeý júrip jatyr. Kúdikti qamaýǵa alyndy.