Almatyda erikti jastar forýmy ótedi

ALMATY. QazAqparat – Eriktiler jyly qarsańynda «Qazaqstan volonterlary lıgasy» qoǵamdyq qory aýqymdy «Volume Up» forýmyn ótkizedi, dep habarlaıdy QazAqparat Almaty qalasy ákiminiń baspasóz qyzmetine silteme jasap.

Stýdentter saraıynda ótetin sharada Almatynyń úzdik volonterlary marapattalyp, respýblıkalyq jastar qozǵalysynyń saıty tanystyrylady.

Forýmǵa qaladaǵy joǵary oqý oryndarynyń, orta arnaýly bilim mekemeleriniń stýdentteri, sondaı-aq ata-anasymen birge mektepterdiń oqýshylary qatysady. Sharaǵa jumys berýshiler, belgili ártister, volonter uıymdarynyń negizin qalaýshylar jınalady.

Jumys berýshiler erikti qyzmetpen aınalysatyn belsendilerge jumys usynyp, ata-analar sóz sóıleıdi. Budan bólek, volonterlar kıimderin satatyn dúken de ashylady. Sharanyń qurmetti qonaǵy ánshi Álı Oqapov bolmaq.

Eske sala ketsek, 27 tamyzda QR Prezıdenti Qasym-Jomart Toqaevtyń Jarlyǵymen 2020 jyl Volonter jyly dep jarııalandy,