Almatyda EAEO elderinen ákelingen 9 kólik ýaqytsha tirkeldi

ALMATY. QazAqparat – Almaty polıtsııasy EAEO elderinen ákelingen 9 avtokólikti ýaqytsha tirkedi, dep habarlaıdy QazAqparat tilshisi.

Qalalyq PD Ákimshilik polıtsııa basqarmasynyń habarlaýynsha, Memleket basshysynyń tapsyrmasyna oraı Eýrazııalyq ekonomıkalyq odaq elderinen ákelingen avtokólikter ýaqytsha tirkelip jatyr.

«Búginde kólik quraldaryn ýaqytsha tirkeý úshin 200 memlekettik tirkeý nómiri ázirlendi. Nómirlerdiń túsi sary, aımaq nómiri – 18 bolmaq. Barlyǵy Almatyda 6 arnaıy HQKO bar. Kólikterdi tirkeý men júrgizýshi kýáligin berý osy HQKO quzyrynda. Almatyda 412 azamat ýaqytsha tirkeýge ótinish bergen», - dedi qalalyq PD Ákimshilik polıtsııa basqarmasynyń basshysy Jandos Muratalıev.

Onyń aıtýynsha, qazir Reseıden ákelingen – 9, Qyrǵyz Respýblıkasynan – 2, Armenııa Respýblıkasynan 1 kólik ýaqytsha tirkeldi.