Almatyda dabyl júıesi iske qosylady
Іs-shara respýblıka boıynsha azamattyq qorǵaý qulaqtandyrý júıesin tekserý aıasynda júrgiziledi.
Almaty qalasynyń Tótenshe jaǵdaılar departamenti málim etkendeı, tótenshe jaǵdaılar týraly halyqty qulaqtandyrý jáne habardar etý turǵyndardy apattyń nemese joıqyn áserdiń teris saldarynan qorǵaýǵa múmkindik beretin negizgi qaýipsizdik sharasy bolyp tabylady.
Qulaqtandyrý júıesin tekserý barysynda elektr dabyldaryn jáne sırenalyq-sóıleý qurylǵylaryn (daýys zoraıtqyshtardy) qysqa merzimge qosý, teledıdar jáne radıoarnalardyń efırin ustaý, ınternet-resýrstar men mobıldi qosymshalarda aqparatty ornalastyrý kózdeledi.
«Barshanyń nazaryna!!!» dybystyq sıgnaly - bul qaýip tóngen nemese tótenshe jaǵdaı týyndaǵan kezde barlyq shuǵyl habarlamalardy berýdiń aldynda halyqtyń nazaryn aýdarý úshin beriletin eskertý sıgnaly.
Dybystyq sıgnaldy estigen kezde teledıdarlar men radıoqabyldaǵyshtardy qosý kerek, apat týyndaǵan jaǵdaıda odan ári áreket etý týraly nusqaýlar alý úshin ınternet-resýrstardaǵy jáne mobıldi qosymshalardaǵy aqparatty oqyp shyǵý kerek.
Qulaqtandyrý júıesine respýblıkalyq tekserý júrgizý qulaqtandyrý jabdyǵyn ázirlikte ustaýǵa jáne halyqty yqtımal tótenshe jaǵdaılardan qorǵaýǵa baǵyttalǵan.
Sonymen qatar, qaýipti óndiristik obektiler men gıdrotehnıkalyq qurylystardaǵy jergilikti qulaqtandyrý júıeleriniń jaramdylyǵy tekseriletin bolady.
