Almatyda búgin jylytý maýsymy bastaldy

ALMATY. QazAqparat – Almatyda búgin 2022-2023 jyldardaǵy jańa jylytý maýsymy bastaldy. Jańa jylytý maýsymynyń ashylǵan kúni meteorologııalyq boljamdar men Almatydaǵy aýa raıynyń kúndelikti monıtorıngi negizinde anyqtalǵan, dep habarlaıdy QazAqparat qala ákiminiń baspasóz qyzmetine silteme jasap.

Bul rette tutynýshylardy jylýmen jabdyqtaýǵa qosý mynadaı kezek boıynsha kezeń-kezeńmen júzege asyrylatyn bolady:

- balabaqshalar, emdeý oryndary, mektepter, kásiptik mektepter, medıtsınalyq-áleýmettik mekemeler;

- turǵyn úıler, jataqhanalar, qonaq úıler;

- ákimshilik ǵımarattar, oqý oryndary, teatrlar;

- basqa ǵımarattar.

Jylýmen jabdyqtaý jelilerin aldaǵy jylytý maýsymyna daıyndaý boıynsha barlyq jumystar kestege sáıkes júrgizildi. «Almaty jylý jelileri» JShS tutynýshyǵa jylý berýdi qamtamasyz etedi.

Sonymen qatar, kóppáterli turǵyn úılerdi jylýmen qamtamasyz etý protsesi bastaldy. Jylý jelileri jylý energııasyn balanstyq shekteý shekarasyna deıin (úıge kirer aldynda) jetkizýdi qamtamasyz etedi. Basqarýshy kompanııa, PIK, OSI úıge kire beristegi parametrlerdi tekserip, úı ishindegi jylýmen jabdyqtaý júıesin barlyq qajetti sharalarmen qosýdy júzege asyrýy kerek.