Almatyda avtobýs qyzdy qaǵyp ketti
ALMATY. QazAqparat – Almatyda avtobýs jaıaý júrginshi ótkelimen joldy kesip ótpek bolǵan qyzdy qaǵyp ketti, dep habarlaıdy QazAqparat tilshisi.
Oqys oqıǵanyń vıdeosy áleýmettik jelide taraldy. Beınekadrda jol shetinde turǵan qyzdyń jaıaý júrginshi jolaǵyna júgirip shyqqany túsip qalǵan. Sol sátte tejegishti basyp úlgermegen avtobýs qyzdy qaǵyp ketti.
Qalalyq PD baspasóz qyzmetiniń habarlaýynsha, oqıǵa búgin tańǵy 8:30-da Jetisý aýdanynda bolǵan.
«Lıaz» avtobýsynyń júrgizýshisi Á.Jangeldın kóshesimen soltústikke baǵytta kele jatyp 18 jastaǵy boıjetkendi qaǵyp ketti. Qyz jaıaý júrginshiler jolymen ótpek bolǵan», - dedi PD baspasóz qyzmetinen.
Boıjetken oqıǵa ornynan oblystyq aýrýhanaǵa jetkizildi.
Bul derekti qazir Jetisý aýdandyq PB tekserip jatyr.
