Almatyda aýyl jastarynyń forýmy ótti
Forým «Aýyl» halyq demokratııalyq partııasynyń bastamasymen uıymdastyryldy. Іs-sharaǵa sport, bilim, ǵylym, aýyl sharýashylyǵy salasynda jetistikke jetken 300-ge jýyq jas qatysty. Jıyn barysynda agrarlyq sala mamandaryn jumyspen qamtý, aýyl jastaryn memlekettik baǵdarlamaǵa tartý máseleleri talqylandy. Sonymen qatar, aýyl jastarynyń usynysy tyńdaldy.
«Erikti retinde jumys jasap júrip bir nárseni ańǵardym. Aýyl jastary qalaǵa kelgen soń kóp qıyndyqtarǵa tap bolady. Sondyqtan Qazaqstandaǵy iri qalalarda ornalasqan JOO-larda beıimdelý ortalyqtaryn ashý týraly ıdeıa tústi. Óıtkeni jastar úlken qalada radıkaldy dinı toptardyń yqpalyna nemese basqa da destrýktıvti baǵyttarǵa ketip qalýy múmkin. Olarǵa beıimdelýge kásibı sotsıologtar men psıhologtar kómek kórsetetin bolady», - dedi «Aýyl» partııasynyń Astanadaǵy jastar qanatynyń tóraıymy Aıym Berkimbaeva.
Onyń aıtýynsha, eriktiler qozǵalysy jastardyń patrıotızm sezimin oıatyp, moraldyq qundylyqtarǵa tárbıeleıdi.
Aıta keteıik, 23 qańtarda Nursultan Nazarbaev jastar jylyn ashqan bolatyn. «Aýyl» partııasy Memleket basshysynyń bastamasyn qoldap, aýyl jastaryn Elbasy qoıǵan mindetterdi oryndaýǵa shaqyrdy.
