Almatyda áleýmettik kıno kúnderi ótedi
dep habarlaıdy QazAqparat.
Atalmysh shara jeltoqsannyń 5-i - Halyqaralyq eriktiler kúnine arnalǵan. Bul kúnderi kúnine eki fılmnen jaqsylyq, raqymshylyq, qaıyrymdylyq, kómek kórsetý, óz bas paıdasynan boı tartý sııaqty adamı qasıetter týraly kınolar usynylady. Sonymen qatar, jańa bastaýshy almatylyq fotosýretshilerdiń eń úzdik jumystary slaıd-shoý túrinde kórsetiletin bolady. Sondaı-aq bul kúnderi «Black&White», «D-Family», «Fusion Cafe», «Alatau Jam», «Baccardi» toptary óz ónerlerin kórsetedi. Kórsetilimder men kontsert «CINEMA BAR» jáne «BAR CHUKOTKA» klýbynda bolady. Kontsertterden túsken barlyq qarajat 2007 jyly dúnıege kelgen eki jastaǵy Danııar Baıshybulovty emdeýge jumsalmaq. Onyń eki kóziniń isigin alýǵa operatsııa jasatý qajet.
Atalmysh sharany «Komanda SOS» eriktiler uıymy men «Seimar Social Fund», BUU Eriktiler baǵdarlamasy uıymdastyrady.