Almatyda 7 mamyr merekesi qalaı toılanady
Almaty ákimdigi usynǵan málimetke sáıkes, 7 mamyr kúni saǵat 11:00-de Otan qorǵaýshy kúnin merekeleý aıasynda 28 gvardııashy-panfılovshylar atyndaǵy saıabaqta merekelik kontsert pen áskerı qyzmetshilerdi marapattaý rásimi ótedi. Kontsertke áskerı qyzmetshiler, áskerı úrmeli orkestr qatysady. Sondaı-aq sahnada Baǵlan Ábdiraıymov, Tolqyn Zábırova, «IL Canto» kvarteti, Jámıla Serkebaeva óner kórsetedi.
Sonymen qatar, merekelik is-sharalar qalanyń barlyq aýdanynda uıymdastyrylady:
- Alataý aýdanynda ardagerler men jastardyń qatysýymen «Er esimi – el esinde» eskertkishine gúl shoqtaryn qoıý rásimi 7 mamyr, saǵat 10:00-de Janqoja batyr kóshesi, 26 mekenjaıyndaǵy aýdan ákimdigi ǵımaratynyń aldynda ótedi.
- Jeńis kúni men Otan qorǵaýshy kúnine arnalǵan merekelik is-shara 7 mamyr, saǵat 11:00-de Atletter aýylynda ótedi;
- Almaly aýdanynda: 7 mamyr, saǵat 17:00-de «Elim meniń» patrıottyq ánder oryndaýshylarynyń baıqaýy Arbatta ótedi.
- Bostandyq aýdanynda 5 mamyr kúni saǵat 11:00-de Otan qorǵaýshy kúnine arnalǵan saltanatty shara Ulttyq ulannyń 5571 áskerı bóliminiń «Ońtústik» óńirlik qolbasshylyǵynda ótedi, Popov kóshesi, 1a.
- Jetisý aýdanynda 7 mamyr, saǵat 14:00-de Qarýly kúshter ókilderiniń qatysýymen merekelik kontsert «Kemel» shaǵynaýdanyndaǵy Esim han kóshesi, 127A mekenjaıynda ótedi;
- Medeý aýdanynda Otan qorǵaýshy kúnine arnalǵan merekelik kontsert 6 mamyrda, saǵat 10:00-de Ǵylym akademııasy ǵımaratynyń aldyndaǵy alańda (Shevchenko kóshesi, 28) ótedi;
- Naýryzbaı aýdanynda Otan qorǵaýshy kúnine arnalǵan saltanatty kontsert 5 mamyr, saǵat 10:00-de Aqjar shaǵynaýdany, Dáýletkereı kóshesi, 178 mekenjaıyndaǵy áskerı bólimde ótedi.
- Túrksib aýdanynda Otan qorǵaýshy kúnine arnalǵan baǵdarlama 6 mamyr, saǵat 11:00-de ótedi QR qurlyq áskerı ınstıtýtynda (Krasnogorskaıa, 4) ótedi.
Bıyl Jeńis kúnine arnalǵan marsh Almatyda onlaın formatta uıymdastyrylatyny týraly jazǵan bolatynbyz.
Almaty qalasynda Ekinshi dúnıejúzilik soǵysqa qatysqan 50-den astam ardager qaldy. Olardyń árqaısysyna Jeńis kúnine oraı 1,5 mıllıon teńgeden beriledi.
