Almatyda 11 jasar bala oqqa ushty
NUR-SULTAN. QazAqparat – Qazaqstan Respýblıkasynyń balalar quqyǵy jónindegi ýákili Arýjan Saın Almatyda 11 jasar balanyń oqqa ushqanyn málimdedi, dep habarlaıdy QazAqparat tilshisi.
«Qazaqstan Respýblıkasynyń Balalar quqyǵy jónindegi ýákili Arýjan Saınnyń aqparatyna sáıkes, 5 qańtar kúni Almatyda oq jaraqatynan bala qaıtys boldy. Ata analary balalarmen serýendep qaıtyp kele jatqanda oq atylyp, 11 jastaǵy bala qaza tapty. Al 7 qańtar kúni Almatydaǵy balalar aýrýhanalarynyń birine aýyr oq jaraqatymen 15 jastaǵy jasóspirim jetkizildi. Dárigerler onyń ómirin saqtap qalý úshin arpalasyp jatyr. Eresekterge arnalǵan aýrýhanalardyń birinde onyń ákesi jatyr. Jasóspirim ákesimen birge mashınada kele jatqanda olardyń kólikterine sodyrlar oq atqan», - delingen Balalar quqyqtary jónindegi ýákildiktiń baspasóz qyzmetinen.
Osy rette Balalar quqyǵy jónindegi ýákili Arýjan Saın ata-analar men eresek adamdarǵa balalardy qorǵaýǵa shaqyrady.
