Almaty jylytý maýsymyna daıyn ba

ALMATY. QazAqparat- Almatyda jylytý maýsymyna daıyndyq kestege sáıkes júrgizilýde. Bul týraly óńirlik kommýnıkatsııalar qyzmetinde ótken brıfıngte qalalyq energetıka jáne sýmen jabdyqtaý basqarmasynyń basshysy Sanjar Alın aıtty, dep habarlaıdy QazAqparat tilshisi.

«Jylý jelileriniń daıyndyǵy – 97%-dy, elektr jelileriniń daıyndyǵy – 83%-dy, gaz jelileriniń daıyndyǵy – 100%-dy, sýmen jabdyqtaý jelileriniń daıyndyǵy – 100%-dy, sý burý jelileriniń daıyndyǵy – 100%-dy, Almatyjylýjaıenergo qazandyqtarynyń daıyndyǵy – 85%-dy, AlES energııa kózderiniń daıyndyǵy – 74%-dy quraıdy»,- deıdi spıker.

Onyń aıtýynsha, qazirgi tańda jylytý maýsymyna bilim berý, densaýlyq saqtaý jáne kóppáterli turǵyn úıler tolyq daıyn. «Almatyda «AJJE» kásipornymen 110 tonna kómir jáne 7,9 myń tonna mazýt daıyndaldy. «AlES» AQ kásipornymen 186,5 myń tonna kómir jáne 19,3 myń tonna mazýt saqtalǵan.

Qala turǵyndaryn úzdiksiz ystyq sýmen jáne jylýmen qamtamasyz etýge toqtalatyn bolsaq, Bostandyq jáne Naýryzbaı aýdandaryndaǵy 2 qazandyqty rekonstrýktsııalaý jumystary júrgizilýde, jumystar 2023 jyly aıaqtalady, bul 300 myń tutynýshyny jylýmen qamtamasyz etýge múmkindik beredi»,- dedi basqarma basshysy.

Sonymen qatar qazandyqtar men jylý jelilerin qaıta jańartýdyń bes jobasy ázirlenýde.

«Jyl basynan beri 12 shaqyrym jylý jelisi qaıta jańartylyp, 6 km jeli oqshaýlandy»,- dedi ol.