Almaty oblysynda maroderlikke qatysty degen kúdiktiler ustaldy

TALDYQORǴAN. QazAqparat – Almaty oblysynda jappaı tártipsizdik kezinde dúken tonady degen kúdikpen 3 adam ustaldy, dep habarlaıdy QazAqparat Polisia.kz saıtyna silteme jasap.

Almaty oblystyq Polıtsııa departamenti Krımınaldyq polıtsııa basqarmasynyń qyzmetkerleri qańtar aıynyń basynda bolǵan jappaı tártipsizdikter kezinde «Moll Aport» dúkeninen uıaly telefondar urlady degen kúdikpen 3 er adamdy ustady.

«Shuǵyl-izdestirý sharalarynyń barysynda Almaty oblystyq PD Krımınaldyq polıtsııa basqarmasynyń polıtseıleri bizdiń óńirdiń týmalary bolyp tabylatyn 21 jastaǵy 3 kúdiktini ustady. Qazirgi ýaqytta 32 jastaǵy zardap shegýshi 16 dana uıaly telefony urlanǵanyn málim etýde.

Ustalǵan tulǵalarǵa qatysty QR Qylmystyq kodeksiniń 188-baby 3-bóligi boıynsha qylmystyq is júrgizý bastaldy. Ózge aqparat tergeý múddesine oraı jarııalanýǵa jatpaıdy», - dedi Krımınaldyq polıtsııa basqarmasynyń bastyǵy Ashat Danııar.