Almaty oblysynda qos nysan ashyldy
TALDYQORǴAN. QazAqparat - Búgin Almaty oblysynyń Talǵar aýdanynda eki birdeı nysan iske qosyldy. Máselen, Talǵar qalasynda qurylysqa qajetti plastık ónimin shyǵaratyn zaýyt ashyldy, - dep habarlaıdy QazAqparat tilshisi.
Munda qubyr, tereze men esikter shyǵarylady. Qýattylyǵy jylyna 3000 tonna. Germanııanyń zamanaýı qurylǵylarymen qamtylǵan zaýyt bolashaqta taýardy elimizden ózge Tájikstan men Qyrǵyzstan memleketterine ótkizýdi josparlap otyr. Al jańa kásiporynda 90-ǵa jýyq adam jumysqa ornalasty.
Sondaı aq Talǵar qalasynda iri saýda ortalyǵy ashyldy. Aýmaǵy 3800 sharshy metr. 6 qabatty ǵımaratta turmysqa qajetti tehnıka, kıimder men azyq-túlik dúkeni qarastyrylǵan. Jalpy, Talǵar aýdanynda 9000-ǵa jýyq kásipker bar. Olar óz qarajattaryna halyqty jumyspen qamtyp qana qoımaı, óńirimizdiń ekonomıkalyq áleýetin jaqsartýǵa atsalysyp keledi. Bıyldyń ózinde bul aımaqta 4 iri kásiporyn iske qosylǵan.
