Almaty oblysynda demalys kúnderi lokdaýn jarııalanady

TALDYQORǴAN. QazAqparat - Almaty oblysynda koronavırýs boıynsha epıdemıologııalyq jaǵdaı nasharlap otyr, dep habarlaıdy QazAqparat tilshisi.

Bul týraly brıfıngte Almaty oblysynyń sanıtarııalyq-epıdemıologııalyq baqylaý departamenti basshysynyń orynbasary Ashat Charapıev málim etti.

Oblys boıynsha KVI ósý qarqyny sońǵy 2 aptada 0,7%-dan 0,9% deıin artty.

Epıdemıologııalyq matrıtsanyń baǵalaýy boıynsha Alakól, Talǵar, Balqash, Eńbekshiqazaq, Panfılov, Sarqan jáne Tekeli, Taldyqorǵan qalalary - «qyzyl» aımaqta, Іle, Qaratal, Jambyl, Qarasaı, Kerbulaq, Kóksý, uıǵyr jáne Aqsý aýdandary - «sary» aımaqta, al qalǵan qalalar men aýdandar «jasyl» aımaqta ornalasqan.

«Demalys kúnderi lokdaýn jarııalanady. Balalar men eresekterge arnalǵan bilim ortalyqtarynyń, ashyq jáne jabyq bazarlardyń (azyq-túlik jáne azyq-túlik satpaıtyn) qoǵamdyq tamaqtaný nysandarynyń, jazǵy alańdardyń, saýda úıleri men qoǵamdyq kóliktiń (eldi mekender ishinde) bankterdiń, HQO-lardyń, «Qazposhta» AQ bólimsheleriniń, dinı nysandardyń, SPA-ortalyqtardyń, basseınderdiń, sport keshenderiniń, sporttyq-saýyqtyrý ortalyqtarynyń, fıtnes-ortalyqtardyń, kazınolardyń, oıyn-saýyq, buqaralyq, otbasylyq, estelik is-sharalardyń qyzmetine tyıym salynady», - dedi Ashat Charapıev