Almaty-1 stansasynda gashısh saýdalaǵan azamat ustaldy
ASTANA. 15 qańtar. QazAqparat - Almaty-1 stansasyndaǵy jelilik polıtsııa bólimshesiniń qyzmetkerleri 256 gramm gashıshpen 1976 jyly týǵan Almaty oblysynyń turǵynyn ustady.
Bul týraly QR ІІM Esirtki bıznesine qarsy kúres komıtetiniń baspasóz baıanynda habarlandy.
«Esirtki zattaryn zańsyz ótkizý jáne satý maqsatynda saqtaý» faktisi boıynsha QR QK 259-babynyń 3-tarmaǵymen qylmystyq is qozǵaldy. Bul qylmys úshin on bes jyldan jıyrma jylǵa deıin bas bostandyǵynan aıyrý jáne jeke múlkin tárkileý nemese ómir boıy bas bostandyǵynan aıyryp jeke múlkin tárkileý jazasy kózdelgen.
Qazirgi ýaqytta esirtki zattaryn jetkizý arnasyn anyqtaý maqsatynda keshendi sharalar júzege asyrylyp jatyr.
Ustalǵan azamat ýaqytsha ustaý ızolıatoryna qamaldy.
