Almatylyqtar Jeńistiń 79 jyldyǵyn toılap jatyr
ALMATY.KAZINFORM –Almatyda Jeńis kúni merekesi sán-saltanatpen toılanyp jatyr.
Mereke dástúr boıynsha 28 gvardııashyl-panfılovshylar atyndaǵy saıabaqta Máńgilik alaýǵa gúl shoqtaryn qoıýdan bastaldy.
Soǵys ardagerleri, tyl eńbekkerleri, áskerı qyzmetshiler, quqyq qorǵaý organdarynyń ókilderi, qoǵam qaıratkerleri men qala turǵyndary qaza tapqan qazaqstandyq jaýyngerlerdi bir mınýt únsizdikpen eske aldy.
Almaty ákimi Erbolat Dosaev maıdangerlerdi Jeńistiń 79 jyldyǵymen quttyqtady.
Budan bólek,Ekinshi dúnıejúzilik soǵys ardagerleri men tyl eńbekkerlerine áskerı-dalalyq as mázirimen merekelik túski as berilip,kontsert ótti.Qazaqstandyq ártister maıdan dalasyndaǵy ánderdi oryndady.
Sondaı-aq, Almatyda B.Momyshuly monýmentine, T.Bıgeldınov, S.Nurmaǵambetov memorıaldyq taqtasyna, S.Lýganskıı bıýstine, Á.Sháripov eskertkishine, «Otan uldaryna máńgilik estelik», «Belgisiz sarbazdyń qabiri» jáne «Otan úshin shaıqasta qaza tapqan batyrlarǵa máńgilik dańq» memorıaldaryna gúl shoqtary qoıyldy.
Mektepter men kolledjderde áskerı qyzmetshilerdi, ardagerlerdi, qatardaǵy azamattardyń qatysýymen «Erlik sabaqtary», sonymen birge, balalardy ártúrli ásker túrlerimen tanystyrý boıynsha sabaqtar ótti.
Qazir Almatyda 43 soǵys ardageri turady.
