Almatylyqtar Qala kúnin qalaı atap ótedi
ALMATY. KAZINFORM — Almatyda Qala kúnine oraı aýqymdy kontsertter, kitap festıvali, digital-shoý jáne alma jármeńkesi syndy 200-den astam is-shara ótedi.
Almaty turǵyndary Qala kúnin jyl saıyn qyrkúıektiń úshinshi jeksenbisinde atap ótedi.
Merekelik baǵdarlamalar megapolıstiń barlyq segiz aýdanynda uıymdastyrylady. Ortalyq alańdarda úlken sahna ornatylyp, tanymal artıster óner kórsetedi. Ashyq aspan astyndaǵy barlyq kontsert pen mádenı baǵdarlamaǵa kirý tegin. Negizgi merekelik is-sharalar 18-21 qyrkúıek aralyǵynda ótedi. Kontserttik baǵdarlamalar sońǵy jyldardaǵy dástúr boıynsha tańnan keshke deıin jalǵasady.
Merekelik is-sharalar aıasynda orkestrler, teatr artısteri, tanymal ánshiler qala ishinde arnaıy avtobýspen júrip ótedi. Olar aıaldamalarǵa, kópqabatty úılerdiń aýlasyna jáne ashyq alańdarǵa toqtap, turǵyndardy performanspen tańǵaldyrady. Artıster metro jolaýshylaryna da tosynsyı daıyndaǵan: vagon ishinde, beketterde tanymal artıster erekshe shaǵyn-shoý kórsetedi, sondaı-aq beketterde Qala kúnine arnalǵan arnaıy kórme uıymdastyrylady.
Sonymen qatar jas ári tanymal oryndaýshylar men halyq artısteri erekshe shyǵarmashylyq kollaboratsııa usynbaqshy.
18 qyrkúıek kúni saǵat 19:00–de Respýblıka saraıynyń aldyndaǵy Abaı alańynda «Mura» atty klassıkalyq mýzyka keshi ótedi. Ashyq aspan astyndaǵy sahnada álemdik jáne qazaq klassıkasynyń jaýharlary — Shtraýs pen Pýchchınıden bastap, Abaı men Hasanǵalıevtiń týyndylary oryndalady. Kórermenderge jetekshi opera ánshileri, hor jáne balet artısteri óner kórsetedi. Bul keshte aryndy arııalar, ıirimi tereń romanstar oryndalyp, mereke úzdik daýys ıeleriniń sherýine ulasady.
19 qyrkúıek kúni saǵat 18:00–de Respýblıka saraıynyń aldyndaǵy Abaı alańynda «Án qanatyndaǵy Almaty» atty dástúrli mýzyka keshi ótedi. Sahnaǵa qazaq dástúrli óneriniń ókilderi Ramazan Stamǵazıev, Sáýle Janpeıisova, Erkin Shúkimanov, Ardaq Isataeva jáne basqa da óner maıtalmandary, sondaı-aq «Sazgen sazy» folklorlyq-etnografııalyq ansambli shyǵady. Artıster kórermenge án, terme, jyr men kúı usynylyp, qazaq halqynyń ulttyq mýzykalyq murasynyń sulýlyǵy men tereńdiginen syr shertedi. Bul halqymyzdyń álemdik órkenıetke qosqan orasan úlesi retinde kórinis tabady. Іs-sharaǵa kirý tegin.
19 qyrkúıek kúni saǵat 19:30–da, Abaı alańynda «QAZAQSHA terapııa» zamanaýı ári jarqyn jobasy kórermenge «Ǵasyrlar úni» atty teatrlandyrylǵan kontserttik spektakl usynady. Bul keshte árbir áýen ulttyq bolmysty oıatyp, ishki úılesimdilikke jeteleıdi. Joba avtorlary — belgili akter Áset Esjan jáne «Alataý» dástúrli óner teatrynyń artısteri. Ulttyq mádenıet pen zamanaýı kórkemdik sheshimder toǵysatyn bul shoý erekshe oqıǵaǵa aınalmaq. Artıster ár kórermengeulttyq ónerdiń bolashaqqa senimdi ári nyq qadam basyp kele jatqanyn biregeı formatta kórsetýdi maqsat etedi. Іs-sharaǵa kirý tegin.
20 qyrkúıek kúni saǵat 18:00–de «Kóktóbe» saıabaǵynda «Kók-Tóbe Opera — 2025» halyqaralyq klassıkalyq mýzyka festıvali ótedi. Almatylyqtar men qala qonaqtary ulttyq mýzyka óneriniń jaýharlary men álemdik klassıkalyq ónerdiń altyn qoryna engen týyndylardy tyńdap, artısterdiń erekshe ónerin tamashalaı alady. Іs-sharaǵa kirý tegin.
20 qyrkúıek kúni saǵat 16:30–da QBTÝ ǵımaraty aldyndaǵy Astana alańynda Almaty Cover Show atty aýqymdy mýzykalyq is-shara ótedi. Ánshiler 90-jyldar men 2000-jyldardyń hıtterin jańa úlgide oryndap, hıt-paradty baǵyndyrǵan zamanaýı ánderdi de usynady. Keshtiń basty hedlaıneri — Ninety One toby. Sondaı-aq, sahnada ADAM, GETTO DOGS, «Azııa» toby, Baqyt Shadaeva, Qali, MATIN, Zarına Omarova, Arman Qońyr men Asha Mataı, Erlan Kókeev, Seıfýllın Jolbarys, Jeńis Ysqaqova, Jazıra men Janbolat, Móldir Áýelbekova, Baǵym Muhıtdenova, Toqtar men Beıbit, Muhtar Hanzada jáne basqa da kóptegen tanymal ánshiler óner kórsetedi. Almaty Cover Show — klassıka, retro jáne zamanaýı áýender toǵysqan naǵyz mýzykalyq marafon. Іs-sharaǵa kirý tegin.
20-21 qyrkúıek kúnderi saǵat 10:00–den 18:00–ge deıin Arbatta jyl saıynǵy KitapFest festıvali ótedi. Bul baspalardy, jazýshylar men myńdaǵan oqyrmannyń basyn qosatyn eń iri ádebı oqıǵa.
Alpysqa jýyq baspa men kitap dúkenderi qatysatyn jármeńkede qonaqtar kitaptardy jeńildikpen satyp alyp, jańa basylymdarmen tanysyp, avtorlarmen tildese alady.
Merekelik atmosferany zamanaýı ınteraktıvti aımaqtar tolyqtyrady: TrendZone — TikTok, Instagram jáne YouTube stılinde, al Estelik Zone — «Er Tóstik», «Alısa ǵajaıyptar elinde», «Dıýna», «Karıb teńiziniń qaraqshylary» jáne basqa da ańyzǵa aınalǵan shyǵarmalar jelisimen jasalǵan fotolokatsııalar usynylady. Balalar úshin qyzyqty kvestter daıyndalǵan: «Muzdy ólke» («Holodnoe serdtse»), «Qyzyl telpek», qazaq ertegisi «Qoshqar men Teke: Joǵalǵan qazyna» jáne «Shokolad fabrıkasynyń qupııalary» jelisi boıynsha. KitapFest — bul jaı ǵana kitap jármeńkesi emes, bul — eki kúnge sozylatyn otbasylyq zamanaýı shyǵarmashylyq alańy. Іs-sharaǵa kirý tegin.
21 qyrkúıek kúni saǵat 10:30–da QBTÝ ǵımaraty aldyndaǵy Astana alańynda merekelik kontsert bastalady. Sahnada Roza Rymbaeva, ańyzǵa aınalǵan «Dos-Muqasan» ansambli, Zarına Altynbaeva, Jámıla Serkebaeva, Birjan Hasanǵalıev, Baýyrjan Mýsın, Arýjan Danyshpan, Erlan Baınazarov, Álı Oqapov pen Mádı Rymbaev, Il canto kvarteti, «JasStars» toby, «Jańa tolqyn-2025» baıqaýynyń jeńimpazy Aleksandr Lım, Dıana men Alen Samykenovter, Tólegen Rahymbaev jáne basqa da artıster óner kórsetedi. Іs-sharaǵa kirý tegin.
21 qyrkúıek kúni saǵat 17:00–de QBTÝ aldyndaǵy Astana alańynda «Aspan FM» mýzykalyq festıvali bastalady. Qala kúnine oraı kópshiliktiń súıikti radıostantsııasy — «Aspan FM» jáne qala ákimdigi tanymal artıstermen birge almatylyqtar men qala qonaqtaryna umytylmas kóńil-kúı syılaıdy. Festıval barysynda artıster qyzyl kilem ústimen júrip ótedi. Sahnada Qaırat Nurtas, TURAR, 6ellucci, «MýzArt» toby, Búrkit pen Aısha, Medeý Arynbaev, Tamara Asar, Qurmash Mahanov, Baǵlan Ábdiraıymov, Keńes Álimjan, BYTANAT, Erkesh Hasen, Aqylbek Jemeneı, Alan Cherkasov, Ashat Tarǵyn, Ómirqul Aınııazov, Zattybek Kópbosynuly, Raıym Ýaıs, INJU, Ázız Baltabekuly, Uljan Aǵlaqova, Jánibek Besterek, DARO, Aıan Baıjigit, DONY, Asyl Ulyqman, Erbolat Erjanbaev, Gúlnur Orazymbetova, Aqbota Kerimbekova, Baqyt Turman, sondaı-aq «MýzArt Laıf», «JasStars», «Alashuly» toptary jáne basqa da tanymal oryndaýshylar óner kórsetedi. FK KAIRAT balalar horynyń sahnaǵa shyǵyp, áıgili ártistermen birge óner kórsetýi keshtiń kórigin qyzdyrmaq. Іs-sharaǵa kirý tegin.
21 qyrkúıek kúni saǵat 10:00–den 19:00–ge deıin Panfılov jaıaý júrginshiler kóshesinde aýqymdy Digital Fest Almaty tsıfrlyq festıvali ótedi. Mádenıet salasyndaǵy mádenı is-sharalardy uıymdastyrý men ótkizý barysynda jasandy ıntellekt quraldary kún sanap keńinen qoldanylyp keledi, al mundaı mereke qala turǵyndaryn jańa tsıfrlyq sheshimdermen tanystyratyn biregeı alańǵa aınalýda. Bıyl da dástúrge saı Panfılov kóshesi ınnovatsııa ortalyǵyna aınalyp, árbir jan tsıfrlandyrýdyń múmkindikterin kórip, sezine alady. Qonaqtardy «Bolashaq sferasy», «Tsıfrlyq alma», VR-kózildirigi arqyly túrli oıyndar, «Kaleıdoskop» fotozonasy jáne basqa da qyzyqty digital-alańdar kútedi. Panfılov kóshesinde robot-sýretshi qonaqtardyń portretterin salady, robot-fotograf pen robot-operator merekelik atmosferany naqty ýaqyt rejıminde túsirip otyrady.
21 qyrkúıek kúni saǵat 10:00–den 21:00–ge deıin Tuńǵysh Prezıdent saıabaǵynda «Alma Fest — 2025»alma festıvali ótedi. Dástúr boıynsha saıabaq aýmaǵy molshylyq pen ulttyq dástúrlerdiń aýqymdy merekesine aınalady. Qonaqtar úshin alma jármeńkesi, etnoaımaq, qolóner jáne gastronomııalyq alańdar, balmuzdaq festıvali, ashyq aspan astyndaǵy kınoteatr jáne basqa da qyzyqty is-shara uıymdastyrylady. Fermerler 100 tonna alma alyp keledi.
Kúni boıy DJ Dimash, DJ Angel, DJ Akhmetoff jáne DJ Big Boy syndy tanymal dıdjeıler áýenmen árleıdi. Merekeniń sharyqtaý shegi úlken kontsertti aıtýǵa bolady. Sahnada Álı Oqapov, QANAY, Erkesh Hasen, Royals Band, Talisman Band, ADEMI, BONAPART, ASTRA, Akimmich, Kesh You, Aya Funk, COLORIT, IONE jáne From.KZ óner kórsetedi. Kirý tegin.
21 qyrkúıek kúni saǵat 12:00 men 15:00–de Tuńǵysh Prezıdent saıabaǵynda almatylyqtar men qala qonaqtaryn áserli tsırk shoýy kútedi. Ol úshin saıabaqta arnaıy Shapıto ornatylady.
Akrobattar, áýe gımnasttary, jonglerler, sheber ekvılıbrıster jáne kóńildi saıqymazaqtar óner kórsetip, kórermenderge kóterińki kóńil-kúı syılaıdy. Bıletterdi is-shara kúni shatyr janyndaǵy kassadan alýǵa bolady. Baǵasy –3000–4000 teńge aralyǵynda.
Jalpy, Almatyda Qala kúni aıasynda qalanyń barlyq aýdanynda ekologııalyq aktsııa, jalpyqalalyq senbilik, fleshmob, ár kitaphanada ádebı kesh, mýzeılerde taqyryptyq kórme ótedi. Budan bólek, áleýmettik mańyzy bar nysandardyń ashylýy, sporttyq jarystar, mádenı jáne qoǵamdyq is-sharalar uıymdastyrylady.