Almatydaǵy taǵy bir kóshe kúzge deıin jabylady

ALMATY. KAZINFORM – Almatyda taǵy bir kóshede kúzge deıin kólik qozǵalysyna tyıym salynady. 

«Almaty jylý jelileri» jaýapkershiligi shekteýli seriktestiginiń málimetinshe, 14 shilde men 31 tamyz aralyǵynda Ormanov kóshesi boıymen Tóle bı men Qumaı kósheleriniń arasyndaǵy aýmaqta kólik qozǵalysy shekteledi. 

Shekteýler joldyń astyna salynǵan sý jelilerin rekonstrýktsııalaýmen baılanysty bolyp otyr. Jumys aıaqtalǵan soń jol jabyny tolyqtaı qalpyna keltiriledi. 

– Joba boıynsha barlyǵy 5,4 shaqyrym sý qubyry jelilerin aýystyrý kózdelgen. Jumystyń birinshi bóligi – Bógenbaı batyr kóshesinen Baltabaev kóshesine deıingi uzyndyǵy 3,3 shaqyrym aralyq. Alǵashqy kezeńniń jumysyn kásiporyn 2024 jyly iske asyrǵan bolatyn. Medeý aýdanynyń osy aýmaqtaryndaǵy jelilerdi qaıta jańartý birneshe myń turǵyndy, sondaı-aq ondaǵan ákimshilik ǵımarat pen kommertsııalyq nysandy turaqty ári sapaly sýmen qamtamasyz etýge múmkindik beredi, - dep túsindirdi «Almaty jylý jelileri» JShS. 

Osyǵan deıin Almatynyń úsh kóshesinde biraz ýaqytqa kólik qozǵalysy shekteletini týraly jazǵanbyz.